२१ वैशाख, काठमाडौं । इन्डियन प्रिमियर लिग (आईपीएल)मा कोलकाता नाइट राइडर्सले चेन्नाई सुपरकिंग्सलाई ६ विकेटले हराएको छ ।
कोलकाताको घरेलु मैदानमा इडन गार्डेनमा भएको यो खेलमा टस हारेर पहिले व्याटिङ गरेको चेन्नाईले २० ओभरमा ५ विकेट गुमाएर १७७ रन बनाएको थियो ।
१७८ रनको लक्ष्य पाएको कोलकाताले शुभमान गिल र दिनेश कार्तिकको उत्कृष्ट प्रदर्शनका कारण १७ ओभर ४ बलमा ४ विकेट गुमाउँदै १८० रन बनाएर जित हासिल गर्यो ।
कोलकाताका लागि शुभमान गिलले ३६ बलमा ६ चौका र २ छक्काको मद्दतमा नटआउट ५७ रन बनाए । कप्तान दिनेश कार्तिकले १८ बलमा ७ चौका र एक छक्काको सहायतामा नटआउट ४५ रन बनाए । सुनिल नरेनले पनि २० बलमा ३२ रन योगदा गरे जसमा चार चौका र दुई छक्का सामेल थियो ।
बलिङतर्फ चेन्नाइका लागि हरभजन सिंह, रविन्द्र जडेजा, केएम आसिफ र लुंगी निग्दीले एक-एक विकेट लिए ।
सुरुआती व्याटिङ गरेको चेन्नाइका लागि कप्तान महेन्द्र सिंह धोनीले नटआउट ४३ रन बनाए । शेन वाटसनले ३६, सुरेश रैनाले ३१, फाफ डु प्लेसिसले २७, अम्बाती रायडुले २१ र रविन्द्र जडेजाले १२ रन बनाए ।
बलिङतर्फ कोलकाताका पियुस चावला र सुनिल नरेनले २-२ विकेट लिए । मात्र २० रन खर्चेका सुनिल प्लेयर अफ दि म्याच भए । कुलदिप यादवले एक विकेट लिए ।
यो हारसँगै चेन्नाइको टिम ९ खेलबाट १२ अंकका साथ दोस्रो स्थानमा झरेको छ । यसैगरी कोलकाता ९ खेलबाट १० अंकका साथ तेस्रो स्थानमा छ ।
मंसिर ३, काठमाडौं । पूर्वमुख्य सचिव एकनारायण अर्यालविरुद्ध वैदेशिक रोजगारीका लागि मलेसिया जाने श्रमिकमाथि भएको
मंसिर ३, काठमाडौँ । काठमाडौँ महानगरपालिकाले उपत्यकामा बढ्दो वायु प्रदूषण नियन्त्रणका लागि विशेष कार्ययोजना सार्वजनिक
कार्तिक २३, २०८३, काठमाडौं । सरकारले सार्वजनिक खरिदअन्तर्गत सञ्चालन हुने सम्पूर्ण आयोजना तथा कार्यक्रममा आबद्ध
कार्तिक १९, काठमाडौं । काठमाडौंमा आयोजित एक कार्यक्रमका वक्ताहरूले प्रेस स्वतन्त्रतामाथि सरकारी हस्तक्षेप बढ्दै गएको
कार्तिक १९,काठमाडौं । अन्तर्राष्ट्रिय ट्रेड युनियन महासंघ एसिया–प्रशान्त क्षेत्र (आईटीयूसी–एपी) सहित विभिन्न अन्तर्राष्ट्रिय श्रमिक संगठनहरूले
काठमाडौँ, १३ कात्तिक। प्रधानन्यायाधीश डा. मनोजकुमार शर्मा र सर्वोच्च अदालतका न्यायाधीश हरिप्रसाद फुयाँलको नाम जोडिएर