पारसको टीम विराटनगरविरुद्ध काठमाडौंको जीत

धनगढी, २३ चैत : कप्तान ज्ञानेन्द्र मल्लको शानदार बलिङ प्रदर्शनको बलमा काठमाडौं गोल्डेन्सले धनगढी प्रिमियर लिग (डीपीएल)मा लगातार चौथो जीत दर्ता गरेको छ ।

धनगढीमा शुक्रबार सम्पन्न खेलमा काठमाडौंले पारस खड्का नेतृत्वको विराटनगर किंग्सलाई ५ विकेटले पराजित गर्‍यो । विराटनगरले प्रस्तुत गरेको १६५ रनको लक्ष्य भेट्टाउने क्रममा जीतमा कप्तान मल्लले ६८, भूपेन्द्र थापाले ३६, सन्नी पटेलले २५, पुष्प थापाले २४, सुवोध भाटीले १० तथा अमित श्रेष्ठले ५ रनको योगदान गरे । वसन्त रेग्मीले २ तथा पारस खड्का, शुभम कामत र मञ्जित श्रेष्ठले १/1 विकेट लिए पनि काठमाडौंलाई रोक्न पर्याप्त भएन ।

यसअघि पहिले ब्याटिङ गरेको विराटनगरले २० ओभरमा ८ विकेट गुमाएर १६४ रन जोडेको थयो । उसका लागि बाबर हयातले ६७, दिलिप नाथले ३३, पृथु बास्कोटाले ११ तथा वसन्त रेग्मी र अनिलकुमार साहले १०/१० रन जोडेका थिए । ललितनारायण राजव‌शीले ३, रसीद खानले २ तथा सुवोध भाटीले १ विकेट हात परे ।