डीपीएल–२ महेन्द्रनगरद्वारा धनगढीलाई १३२ रनको लक्ष्य

महेन्द्रनगर युनाइटेडले रुस्लान धनगढी प्रिमियर लिग (डीपीएल–२) क्रिकेटमा टिम चौराह धनगढीलाई १३२ रनको चुनौती दिएको छ । निर्धारित २० ओभरमा ८ विकेटको क्षतिमा महेन्द्रनगरले १३१ रन बनाएपछि धनगढीले मध्यम स्कोरको लक्ष्य पाएको हो । 

एसएसपी क्रिकेट मैदानमा टस हारेर पहिले ब्याटिङ गरेको महेन्द्रनगरले सम्मानजनक स्कोर बनाएको हो । २२ रन हँुदा पहिलो विकेटको रुपमा ओपनर आफि शेखलाई गुमाएको महेन्द्रनगरले लगतै २२ रन नै हँदा हरिशंकर शाहंलाई गुमाएको थियो । २५ रन हुँदा कप्तान विनोद भण्डारीलाई ११ रनमा गुमाएपछि महेन्द्रनगर दबाबमा आएको थियो ।

महेन्द्रनगरको ४७ रन हँदा ५ विकेट पतन भइसकेको थियो । मेहन्द्रनगरको इनिङ्स पुनित मेहरा र भुवन कार्कीले उकासेका थिए । पुनितले ४० रन बनाए । उनले २२ बलको सामना गर्दै ४ चौका र २ छक्का प्रहार गरे ।

त्यस्तै, भुवन कार्की अन्तिम बलमा रनआउट हुनुपूर्व ३२ रन बनाए । महेन्द्रनगरका लागि पुनित विष्टले २४ रन बनाएका थिए । टिम चौराह धनगढीका लागि ललित भण्डारीले सर्वाधिक ४ विकेट लिए । त्यस्तै, कप्तान सोमपाल कामी र सामसद शेखले समान १–१ विकेट लिए ।