आइसिसी विश्व क्रिकेट लिग डिभिजन अन्तर्गत यूएर्इ विरुद्धको खेलमा सन्दीप लामिछानेले उत्कृष्ट प्रदर्शन जारी राख्दा इण्डियन प्रिमियर लिग टोली दिल्ली डेयरडेभिल्सले उनको प्रशंशा गर्दै लगातार टुविट गरेको छ।
१८औं ओभरमा व्यक्तिगत पहिलो अोभर लिएर अाएका सन्दीपले लगातार २ विकेट लिएपछि टुविट गर्दै दिल्लीले सन्दीपले अविश्वसनिय बलिङ गरेको र ह्याट्रिक गर्न चुकेको उल्लेख गरेको छ।
सन्दीपले १८ ओभरको दोस्रो बलमा रमिज साहजादलाई ४ रन तथा तेस्रो बलमा मोहमद उस्मानलाई शून्य रनमा आउट गरेका थिए।
यस्तै २२औं ओभरमा अर्को विकेट लिएपछि पुन: दिल्लीले ५ अोभरमा सन्दीपले तीन विकेट लिएको उल्लेख गरेको छ।
सन्दीपलाई दिल्लीले अाइपीएलको ११अौं सिजनका लागि दुई साताअघि २० लाख भारुमा आफ्नो टिममा आवद्ध गरेको थियो।
