पिसी फाइटरले दिएको १ सय ६४ रनको लक्ष्य पछ्याउने क्रममा पुल्चोक १९.३ ओभरमा ९७ रनमा अलआउट भएको थियो।
उसका गौरव खड्काले ३१ बाहेक अन्य ब्याट्सम्यानले उल्लेख्य प्रदर्शन गर्न सकेनन्। पिसी फाइटरका प्रकाश विष्टले ५ तथा मेहबुब आलमल २ विकेट लिए।
त्यसअघि टस जितेर पहिले ब्याटिङ गरेको पिसी फाइटरले सुवास खकुरेलको अर्धशतकको मदतमा निर्धारित २० ओभरमा ८ विकेट गुमाएर १ सय ६३ रन बनाएको थियो।
सुवासले ४८ बलको सामना गर्दै ६६ रनको नटआउट पारी खेलेका थिए। सो क्रममा उनले ७ चौका र २ छक्का प्रहार गरे।
यस्तै फाइटरका सन्दीप सुनारले ३० तथा रबीन जोशीले १९ रन जोडे। बलिङ तर्फ पुल्चोकका चिरन्जीवी पाण्डे, मनिष ज्ञवाली र दिनेश ठगुन्नाले समान २–२ विकेट लिए।
जितसँगै पिसी फाइटर ६ अंकका साथ समूह बी को दोस्रो स्थानमा छ। पुल्चोक भने तेस्रो स्थानमा छ।
