हात्ती आतङ्क चुनावी मुद्दा !

elephant_CaVO6Rpt3Fझापा, ११ मंसिर । झापाका मतदाताले उम्मेदवारहरूसँग आफूहरूलाई हात्ती आतङ्कबाट छुटकारा दिलाउन गराउन माग गर्ने गरेका छन् ।  मङ्सिर २१ गते हुने प्रतिनिधिसभा र प्रदेशसभा चुनावका लागि झापामा मुख्य कार्यसूची हात्तीको आतङ्क बनेको छ ।  झापामा जङ्गली हात्ती आएर स्थानीय जनताको घर भत्काइदिने, मान्छे मार्ने, अन्नबाली नष्ट गरिदिने समस्या छ ।  हात्ती आतङ्कबाट यहाँका जनता वर्षौंदेखि पीडित छन् ।  त्यसैले यस समस्यालाई मतदाता र उम्मेदवार दुवैले कार्यसूचीकै रूपमा प्रस्तुत गरेका छन् ।   झापा जिल्लाका झण्डै छ लाख मतदातामध्ये आधा जति यसबाट पीडित देखिएका छन् ।  पाँचवटामध्ये तीनवटा निर्वाचन क्षेत्र पूर्णरूपमा हात्ती समस्याबाट ग्रसित छ ।  झापाका क्षेत्र नं १, २ र ३ पूर्णरूपमा प्रभावित रहेको हात्तीपीडित सोम तामाङले बताउनुभयो ।  उहाँका अनुसार मेची नगरको पूरै भाग, भद्रपुरको ९ र १० नम्बर वडा र बुद्ध शान्तिका ४, ५, ६ र ७ नं वडा विशेष प्रभावित क्षेत्र हुन् ।  सबैभन्दा बढी हात्तीपीडित मतदाता भएको निर्वाचन क्षेत्र तीन नम्बर हो ।  जसमा भद्रपुर, हल्दिबारी, बाह्रदशी र कचन कबललगायतका पर्छन् ।
त्यस्तै, झापा–२ मा एक लाखभन्दा बढी मतदाता छन् र त्यहाँका मतदाताको समस्या पनि उस्तै छ ।  भद्रपुरका अर्का हात्तीपीडित कृष्णबहादुर तमाङले हात्तीकै कारण कतिपय घरबारविहीन बनेको बताउँदै भन्नुभयो, “चुनावको समय आयो भने उम्मेदवारहरू विभिन्न आश्वासन लिएर आउँछन् र मत लिएर जान्छन् तर फेरि कहिल्यै फर्केर आउँदैनन् ।  हामी दिनदिनै त्यसबाट पीडित बनेका हुन्छौँ । ’
भद्रपुर नगरपालिका–१ का वडा अध्यक्ष रामप्रसाद अधिकारीले हात्तीको समस्या समाधान गर्न राज्यस्तरबाट विभिन्न आश्वासन दिइए पनि समाधान हुन नसकेको बताउनुभयो ।  झापा–१ का प्रतिनिधिसभा उम्मेदवार एवं नेकपा (माओवादी केन्द्र)का नेता सुरेन्द्रकुमार कार्की र नेपाली काँग्रेसका प्रतिनिधि सभा उम्मेदवार विश्वप्रकाश शर्मा दुवैले हात्ती नियन्त्रणलाई मुख्य कार्यसूचीमा राख्नुभएको छ ।  झापा ३ का वाम गठबन्धनको समर्थन प्राप्त राप्रपाका उम्मेदवार राजेन्द्र लिङ्देनले पनि हात्ती आतङ्कलाई मुख्य मुद्दा बनाउनुभएको छ ।
उहाँ भन्नुहुन्छ,‘ यो हात्तीको समस्यामा सबैभन्दा बढी काम मैले गरेको छु । ’झापा–३ का प्रतिनिधिसभा उम्मेदवार नेपाली काँग्रेसका नेता कृष्णप्रसाद सिटौलाले पनि चुनाव जित्नका लागि हात्ती नियन्त्रणको स्थानीय मुद्दालाई चुनावी मुद्दा बनाएर जनताको माझमा जानुभएको छ ।  गोरखापत्रमा खबर छ ।

प्रतिक्रिया दिनुहोस्
सम्बन्धित वर्गका समाचारहरू

पूर्वमुख्य सचिव अर्यालविरुद्ध पक्राउ पुर्जी जारी

मंसिर ३, काठमाडौं । पूर्वमुख्य सचिव एकनारायण अर्यालविरुद्ध वैदेशिक रोजगारीका लागि मलेसिया जाने श्रमिकमाथि भएको

काठमाडौँमा वायु प्रदूषण नियन्त्रण कार्ययोजना आउँदै

मंसिर ३, काठमाडौँ । काठमाडौँ महानगरपालिकाले उपत्यकामा बढ्दो वायु प्रदूषण नियन्त्रणका लागि विशेष कार्ययोजना सार्वजनिक

सार्वजनिक खरिदका श्रमिकलाई न्यूनतम पारिश्रमिक तोकियो, अदक्ष कामदारको दैनिक १७४० पुग्यो

कार्तिक २३, २०८३, काठमाडौं । सरकारले सार्वजनिक खरिदअन्तर्गत सञ्चालन हुने सम्पूर्ण आयोजना तथा कार्यक्रममा आबद्ध

प्रेस स्वतन्त्रतामाथि सरकारी हस्तक्षेपबारे सरोकारवालाको ध्यानाकर्षण

कार्तिक  १९, काठमाडौं । काठमाडौंमा आयोजित एक कार्यक्रमका वक्ताहरूले प्रेस स्वतन्त्रतामाथि सरकारी हस्तक्षेप बढ्दै गएको

ट्रेड युनियन अधिकार कमजोर पार्ने सरकारी निर्णय फिर्ता लिन अन्तर्राष्ट्रिय श्रमिक संगठनहरूको माग

कार्तिक १९,काठमाडौं । अन्तर्राष्ट्रिय ट्रेड युनियन महासंघ एसिया–प्रशान्त क्षेत्र (आईटीयूसी–एपी) सहित विभिन्न अन्तर्राष्ट्रिय श्रमिक संगठनहरूले

प्रधानन्यायाधीश र न्यायाधीशबारे छानबिन गर्न माग

काठमाडौँ, १३ कात्तिक। प्रधानन्यायाधीश डा. मनोजकुमार शर्मा र सर्वोच्च अदालतका न्यायाधीश हरिप्रसाद फुयाँलको नाम जोडिएर