हतियार संकलन गर्न प्रहरी असफल, हतियार कुन–कुन नेतासँग छ ?

PESTOL

लहान, १ मंसिर । सिरहामा अनुमति लिएर वैध तरिकाले राखेका हतियार संकलनमा प्रहरी असफल भइरहेको छ । अनुमति लिएर राखेको हतियार प्रशासनमा बुझाउन जिल्ला प्रशासन कार्यालय सिरहाले आह्वान गरे पनि केहीबाहेक धेरैले हतियार बुझाएका छैनन् ।

२१ मंसिरमा हुन थालेको स्थानीय तहको निर्वाचनको सुरक्षा खतरा रोक्न जिल्ला प्रशासन कार्यालय सिरहाले अनुमति प्राप्त हतियार संकलन गर्न कात्तिक २२ गते नै जिल्ला प्रहरी कार्यालयमार्फत मातहत निकायलाई पत्राचार गरेको छ । तर, प्रहरी निकाय हतियार संकलनमा सफल हुन सकेको छैन ।

तीन सय २० जनाले लिएका छन् अनुमति
जिल्ला प्रशासन कार्यालय सिरहाको रेकर्डअनुसार तीन सय २० जनाले हतियार राख्ने अनुमति लिएको देखिन्छ । तर, अहिले दुई सय ९३ थान अनुमति प्राप्त हतियार नवीकरण भएको जिल्ला प्रशासन कार्यालय सिरहाले जनाएको छ ।

प्रमुख जिल्ला अधिकारी श्रीकृष्ण श्रेष्ठले नवीकरण नभएका २७ थान हतियारसमेत सम्बन्धित व्यक्तिसँगै रहेकाले त्यसमा निगरानी बढाइएको बताए । उनले अनुमति लिएर राखिएका सबै हतियार संकलन गर्न सार्वजनिक सूचना जारी गरेको बताए ।

‘स्थानीय तहको निर्वाचनमा पनि सूूचना जारी गरिएको थियो । त्यति वेला संकलन हुन सकेनन् । फेरि पत्राचार गरिएको छ ।’ उनले अनुमति लिएर राखेको सबै हतियार प्रहरीमा बुझाउन आग्रह गरे ।

अनुमति लिएर राखिएको हतियारमध्ये थोरै कम संख्यामा प्रहरीमा बुुझाइएको जिल्ला प्रहरी कार्यालय सिरहा प्रहरी प्रमुख प्रहरी उपरीक्षक शेखर कोइरालाले बताए । उनले भने, ‘सबैले बुझाउँछन् भन्ने विश्वास लिएको छु । बुझाएनन् भने खोसेर भए पनि संकलन गर्नेछौँ ।’

खुल्ला सिमाना र आपराधिक व्यक्ति निगरानीमा
जिल्ला प्रहरी कार्यालय सिरहाले स्थानीय तहको निर्वाचनअवधिभर जिल्लाको दक्षिणी सिमाना र आपराधिक व्यक्तिमा निगरानी बढाइएको छ ।

जिल्लाको करिब ४० किलोमिटरभन्दा बढी दक्षिणी भाग भारतसँगको खुल्ला सिमाना रहेकाले सीमा सुरक्षा व्यवस्था कडाइ गरिएको प्रहरी उपरीक्षक शेखर कोइरालाले बताए ।

उनले भने, ‘भारतसँगको खुला सिमानाका कारण जिल्लामा विभिन्न गतिविधि हुने गरेकाले हतियार भित्रिन नदिन दक्षिणी भागमा विशेष चेकपोस्ट राखिएको छ ।’

उनले जिल्लामा अहिले पनि आपराधिक क्रियाकलाप गर्ने व्यक्तिसंग अवैध साना हतियार बरामद हुने क्रम जारी रहेकाले त्यस्ता व्यक्तिमाथि निगरानी राखिएको बताए । उनले थपे– ‘२१ मंसिरमा हुन लागेको निर्वाचनमा कुनै पनि किसिमले आपराधिक क्रियाकलाप हुन नदिन सुरक्षा निकाय लागिपरेको छ ।’

राजनीतिक दलसँग पनि अवैध हतियार
तराईका जिल्लामा निर्वाचनको विरोधमा अहिले पनि विभिन्न आन्दोलन भइरहेकाले आफू सुरक्षित हुन र केही भइहाले प्रतिकार गर्न गोप्य रूपमा राजनीतिक दलहरूले पनि अवैध हतियार राखेको राजनीतिक व्यक्तिहरू बताउँछन् । नाम नखोल्ने सर्तमा राजनीतिक दलका प्रतिनिधि र नेताहरूले अन्य दलबाट आइपर्ने खतरालाई टार्न अवैध रूपमा हतियार राखेको बताउँछन् ।

जिल्लामा विभिन्न राजनीतिक दलका नेताहरूसँग अवैध रूपमा राखिएको करिब २० भन्दा बढी हतियार रहेको स्रोतको दाबी छ ।

हतियार राख्ने नेता
१. सीतादेवी यादव–कांग्रेस कोषाध्यक्ष– बहालवाला शान्तिमन्त्री– १२ बोरे २ नाले टोटावाल बन्दुक दुई थान
२. देवनाथ साहु तेली– माओवादी केन्द्र – १२ बोरे एक नाले टोटावाल बन्दुक दुई थान
३. पद्म नारायण चाैधरी – कांग्रेस पूर्वसांसद – २२ बोरको राइफल
४. अमियकुमार यादव – कांग्रेस पूर्वसांसद – २२ बोरेको राइफल र १२ बोरे एक नाले टोटावाल बन्दुक
५. मोतीलाल श्रेष्ठ – कांग्रेस – १२ बोरे दुई नाले टोटावाल बन्दुक
दिलीप सिंहले नयाँपत्रिका दैनिकमा खबर लेखेका छन् ।

प्रतिक्रिया दिनुहोस्
सम्बन्धित वर्गका समाचारहरू

पूर्वमुख्य सचिव अर्यालविरुद्ध पक्राउ पुर्जी जारी

मंसिर ३, काठमाडौं । पूर्वमुख्य सचिव एकनारायण अर्यालविरुद्ध वैदेशिक रोजगारीका लागि मलेसिया जाने श्रमिकमाथि भएको

काठमाडौँमा वायु प्रदूषण नियन्त्रण कार्ययोजना आउँदै

मंसिर ३, काठमाडौँ । काठमाडौँ महानगरपालिकाले उपत्यकामा बढ्दो वायु प्रदूषण नियन्त्रणका लागि विशेष कार्ययोजना सार्वजनिक

सार्वजनिक खरिदका श्रमिकलाई न्यूनतम पारिश्रमिक तोकियो, अदक्ष कामदारको दैनिक १७४० पुग्यो

कार्तिक २३, २०८३, काठमाडौं । सरकारले सार्वजनिक खरिदअन्तर्गत सञ्चालन हुने सम्पूर्ण आयोजना तथा कार्यक्रममा आबद्ध

प्रेस स्वतन्त्रतामाथि सरकारी हस्तक्षेपबारे सरोकारवालाको ध्यानाकर्षण

कार्तिक  १९, काठमाडौं । काठमाडौंमा आयोजित एक कार्यक्रमका वक्ताहरूले प्रेस स्वतन्त्रतामाथि सरकारी हस्तक्षेप बढ्दै गएको

ट्रेड युनियन अधिकार कमजोर पार्ने सरकारी निर्णय फिर्ता लिन अन्तर्राष्ट्रिय श्रमिक संगठनहरूको माग

कार्तिक १९,काठमाडौं । अन्तर्राष्ट्रिय ट्रेड युनियन महासंघ एसिया–प्रशान्त क्षेत्र (आईटीयूसी–एपी) सहित विभिन्न अन्तर्राष्ट्रिय श्रमिक संगठनहरूले

प्रधानन्यायाधीश र न्यायाधीशबारे छानबिन गर्न माग

काठमाडौँ, १३ कात्तिक। प्रधानन्यायाधीश डा. मनोजकुमार शर्मा र सर्वोच्च अदालतका न्यायाधीश हरिप्रसाद फुयाँलको नाम जोडिएर