उत्तर कोरियाको अमेरिका र जापानलाई खतरनाक चेतावनी

एजेन्सी । उत्तर कोरियाले अमेरिकालाई खरानी बनाइदिने र जापानलाई डुबाइदिने चेतावनी दिएको छ । संयुक्त राष्ट्र संघ सुरक्षा परिषदले नाकाबन्दी थप कडाइ गरेपछि उत्तर कोरियाले कडा चेतावनी दिएको हो ।

उत्तर कोरियाली स्टेट एजेन्सीले भनेको छ, ‘आणविक हतियार प्रयोग गरेर जापानलाई डुबाइदिन्छौं, अमेरिकालाई जलाएर खरानी पारिदिन्छौं र अन्धकार बनाइदिनेछौं ।’ अमेरिका, जापान र दक्षिण कोरियाले उत्तर कोरियाविरुद्ध कडा प्रतिबन्ध लगाउन राष्ट्रसंघ सुरक्षा परिषद् बैठकमा प्रस्ताव पेश गरेका थिए ।

यसै महिनाको सुरुवातमा जापानी आकाशमा मिसाइल प्रहार गरेपछि जापान पनि उत्तर कोरियाविरुद्ध कडा रुपमा प्रस्तुत भएको छ ।
आर्चिपेलागोका चार वटा टापुहरु बम हानेर उडाउने भन्दै उत्तर कोरियाले अब जापान हाम्रो नजिक रहनु आवश्यक छैन

उत्तर कोरियाको विदेशी विभाग हेर्ने एसिया प्रशान्त शान्ति समितिले राष्ट्रसंघको सुरक्षा परिषदसँगको सम्बन्ध पनि तोड्ने बताएको छ । पैसाको बलमा र अमेरिकी आदेशमा चल्ने संगठनमा बसिरहनुको औचित्य छैन, समितिको भनाई उद्यृत गर्दै उत्तर कोरियाली समाचार संस्था केसिएनएले जनाएको छ ।