५ साउन, काठमाडौं । सिंगापुरमा जारी १९ बर्ष मुनिको आइसीसी विश्वकप क्रिकेटमा नेपाल अफगानिस्तानसँग १ सय ४१ रनको फराकिलो अन्तरले पराजित भएको छ ।
आज भएको खेलमा अफगानिस्तानले दिएको १ सय ९१ रनको लक्ष्य पछ्याएको नेपाल २६ ओभरमा ४९ रनमै अलआउट भयो । नेपालका लागि पवन सर्राफले २६ रन बनाउनुबाहेक अन्य खेलाडीले दोहोरो अंकको रन छुन सकेनन् ।
नेपालका ४ खेलाडी शुन्य रनमै पभेलियन फर्किए । नेपाललाई सस्तैमा समेट्न अफगानिस्तानका नविन उलहक र मुजिब जाड्रनले ४, ४ विकेट लिए । यसअघि नेपालले टस जितेर फिल्डिङ रोजेपछि पहिला ब्याटिङमा आएको अफगानिस्तान २ बल बाँकी छँदा १ सय ९० रनमा अलआउट भएको थियो ।
उसका लागि इब्राहिम जाड्रनले सर्वाधिक ४३ र नाभिद ओविदले ३३ रनको योगदान गरे । नेपालका साहब आलमले ३, कप्तान सन्दिप लामिछाने र पवन सर्राफले २–२ र किशोर महतो र दिपेन्द्र सिंह ऐरीले समान १–१ विकेट लिए ।
डबल राउण्ड रोबिन लिगका आधारमा भइरहेको प्रतियोगिताको सुरुवाती दुई खेलमा नेपालले सिंगापुर र मलेसियालाई पराजित गरेको थियो ।
काठमाडौँ, पुस २६ गते । नेपाल क्रिकेट सङ्घ (क्यान)ले नेपाली राष्ट्रिय क्रिकेट टोलीका खेलाडी एवं
हाङझाउ, असोज १४ गते । नेपाल १९औं एसियाली खेलकुद (एसियाड)को पुरुष क्रिकेटतर्फ क्वार्टरफाइनलमा प्रवेश गरेको छ ।
भदौ ११, काठमाडौं। क्रिकेटर सन्दीप लामिछाने एसिया कप क्रिकेट खेल्नका लागि आज पाकिस्तानमा प्रस्थान गर्नुभएको
श्रावण ३०,काठमाडौँ — कक्षा १२ को नतिजा सार्वजनिक गर्ने निर्णय गर्न राष्ट्रिय परीक्षा बोर्डले मंगलबार
काठमाडौं, असार १९ गते । एसीसी यू-१६ इस्ट जोन कप क्रिकेटको उपाधि नेपालले जितेको छ ।
जेष्ठ ६, काठमाडौँ — सबै अनुकूल भएमा अबको एक वर्षभित्र कीर्तिपुरस्थित त्रिवि क्रिकेट मैदानमा राति
