३० असार , काठमाण्डाै । डच क्लब आयाक्सका युवा मिडफिल्डर अब्देलहाक नुरीको फुटबल खेल्ने क्रममा लागेको चोटका कारण मस्तिष्कघात भएपछि उनी मृत्युको नजिक पुगेका छन्।
२० वर्षीय नुरीको शनिवार वेर्डर ब्रेमेनविरुद्ध मैत्रीपूर्ण खेल खेल्ने क्रममा ह्दयको गति रोकिएको थियो। जसका कारण उनी मैदानमै ढल्न पुगेका थिए। विगत एक सातादेखि अस्पताल भर्ना भएका नुरीको स्वास्थ्यको विषयमा क्लबले शुक्रबार विज्ञप्ती जारी गर्दै फर्किन सक्ने सम्भावना निकै कम रहेको बताएको छ।
विज्ञप्तीमा भनिएको छ, ‘उपचारका क्रममा उनको मस्तिष्कका थुप्रै अंकहरुले काम गर्न छोडेको पाइएको छ। मस्तिष्कमा अक्सिजन पर्याप्त नपुग्दा यस्तो समस्या आएको हो।’
सोमबार क्लबले विज्ञप्ती सार्वजनिक गर्ने क्रममा उनको मुटुले राम्रोसँग काम गरिरहेको र टाउकोको स्क्यानमा त्यति ठूलो समस्या नभएको बताएको थियो। तर, नयाँ टेस्टमा उनको मस्तिष्कका थुप्रै नसाहरुले काम गर्न छोडेको देखिएको छ।
अाम्स्ट्रेडममा जन्मिएका नुरीलाई हेलिकोप्टरको सहयोगले अस्ट्रियाको अस्पतालमा लगिएको थियो, जहाँ मैत्रीपूर्ण खेल पनि भएको थियो। क्लबले थप उपचारका लागि उनलाई अाम्स्ट्रेडम ल्याउने तयारी भइरहेको बताएको छ।
म्यानचेस्टर युनाइटेड र फुल्हामका पूर्व गोलरक्षक इडविन भान डेर सार हाल आयाक्स क्लबका कार्यकारी निर्देशक छन्। उनले भनेका छन्, ‘हाम्रा लागि यो सोच्नै नसक्ने खबर आएको छ। यो दुखद खबरमा हामी उनको परिवार र इस्टमित्रसँग छौं।’नुरीले गत सिजन क्लबबाट १५ लिग र कप खेल खेलेका थिए। उनले डच कपमा एक गोल पनि गर्न भ्याएका थिए।
कार्तिक ११, काठमाडौँ । गत भदौ १० गते भोटेकोशी र त्रिशूली नदीमा आएको भीषण बाढीमा परी
काठमाडौं, २६ असोज। सर्वोच्च अदालतले गैरकानुनी रूपमा बर्खास्त गरिएका श्रमिकलाई पुनर्बहाली नगर्ने अवस्थामा क्षतिपूर्ति निर्धारण
२६ असोज , काठमाडौं । नेपाल स्केटिङ तथा स्केटबोर्डिङ संघको कार्यसमितिमा नरहेकी पवित्रा रेग्मीलाई बैंक
काठमाडौँ, असोज २४। उपत्यकामा एउटा ब्रान्डको ग्यास सिलिन्डर अर्कोसँग सहजै साट्न नपाएर हैरानी खेपिरहेका उपभोक्ताका
असोज ८,काठमाडौं । सर्वोच्च अदालतले राजनीतिक विश्लेषक भरत दाहाललाई थुनामुक्त गर्न परमादेश जारी गरेको छ।दाहालकी
काठमाडौँ, साउन ३० । उच्च अदालत बार एसोसिएसन पाटनको निर्वाचनमा प्रगतिशील तथा पेसागत कानुन व्यवसायी
