घर दिने लोभमा २६ वर्षीया मोडलको बलात्कार, जबर्जस्ती गराइयो गर्भपतन

मुम्बईमा २६ वर्षीया मोडलले एक इस्टेट एजेन्टमाथि बलात्कार र जबर्जस्ती गर्भपतन गराएको मुद्दा दर्ता गरेकी छिन् । वर्सोवा पुलिस स्टेशनमा दर्ता गराएको ऊजुरीमा मोडलले दिएको जानकारी अनुसार एक एजेन्टले थुप्रै महिनादेखि उनलाई ब्ल्याकमेल गरेर उनलाई बलात्कार गरिरहेका थिए । उनले मोडलको जबर्जस्ती गर्भपतन पनि गराइसकेको उनले ऊजुरीमा बताएकी छिन् ।

उत्तर प्रदेशमा बस्ने यी मोडल र २८ वर्षीय एजेन्ट मनिष पिकवडेको पहिलो भेटघाट एक पार्टीको क्रममा भएको थियो । मनिषले आफूलाई रियल इस्टेट एजेन्ट बताएका थिए र मोडललाई फ्ल्याट दिलाउन मद्दत गर्ने बताए ।

यतिमात्र होइन, मनिषले ती मोडललाई आफ्नो घर नजिकै एक घर दिए र त्यहाँ आवतजावत गर्न थाले । यसैबिच एक दिन उनले मोडललाई बलात्कार गरे र त्यसपछि ब्ल्याकमेल गर्न सुरु गरे ।

मोडलले जब पुलिसमा ऊजुरी गरिदिने धम्की दिइन् तब मनिषले उनीसँग विवाह गर्ने बाचा गरेर मुख बन्द गराए ।

विवाहित हुन् मनिषः

मोडलले जब उनीबारे खोजी गर्न थालिन् तब मनिष विवाहित भएको पाइन् । तर दोस्रो पटक उनलाई चुप गराउनका लागि मनिषले श्रीमतीसँग सम्बन्धविच्छेद गरे ।

पीडित मोडलका अनुसार मनिषले लगातार ब्ल्याकमेल गरेर उनलाई बलात्कार गरिरहन्थे र जब उनी गर्भवती भइन् तब दुईपटक उनको गर्भपतन गराए ।

मोडललाई पिटे र घरबाट निकालिदिएः

गत शुक्रबार मनिषले मोडललाई नराम्रोसँग पिटेनन् मात्र उनलाई घरबाट निकालिदिए । त्यसपछि उनी आफ्नी साथीको मद्दतले वर्सोवा पुलिस स्टेशन पुगे र मनिषका विरुद्ध मुद्दा दर्ता गराइन् ।

मोडलको स्वास्थ्य परिक्षणपश्चात् मनिष विरुद्ध बलात्कार, कुटपिट र जबर्जस्ती गर्भपतन गराएको भनी मुद्दा दर्ता भयो । पुलिस अहिले मनिषको खोजीमा जुटिरहेको छ ।