भारतमा आइपुग्यो जीका भाइरस

एजेन्सी १४ जेठ । भारतमा पहिलो पटक जीका भाइरसको संक्रमणको मामिला पुष्टि भएको छ । विश्व स्वास्थ्य संगठनको अनुसार गुजरातको अहमदावादमा जीका संक्रमणको तीन मामिला पत्ता लागेको छ ।

भारतमा एडिज मच्छेडको कारणले बढ्दो जीका भाइरस संक्रमणमाथि विश्व स्वाथ्य संगठनले चिन्ता जनाउदै भविष्यमा अरु बढि मामिलाहरु सामुन्ने आउन सक्ने सम्भावना रहेको बताएको छ । यसैबीच विश्व स्वाथ्य संगठनले जीकाबाट बच्न केही उपाय पनि सार्वजनिक गरेको छ ।

विश्व स्वाथ्य संगठनले जीकाबाट बच्ने सबैभन्दा राम्रो उपाय लामखुट्टेको रोकथाम गर्नुपर्ने बताएको छ । उसले पूरा शरीरलाई कपडाले ढाक्न र हल्का रंगको कपडा लगाउन सल्लाह दिएको छ । लामखुट्टेको प्रजननलाई रोक्न आफ्नो घर आसपास गमला, बाल्टी, कुलर आदिमा पानी भरी रहन दिनु नहुने विश्व स्वास्थ्य संगठनले जनाएको छ ।

यदि कसैलाई ज्वरो आएमा, घाँटी खसखसाएमा, आँखा रातो भएमा धेरै मात्रामा तरल पदार्थ पिउन र भरपूर आराम गर्न सल्लाह दिएको छ । हालसम्म जीका भाइरसको कुनैपनि खोप पाइएको छैन तर स्थितिमा सुधार नआएमा चाढै चिकित्सकलाई देखाउन सल्लाह दिएको छ । बीबीसी