थापाथलीमा कानुनमन्त्रीको यस्तो हर्कत !

काठमाडौं, १० वैशाख । कानुनमन्त्री अजयशंकर नायकले आइतबार पौने १२ बजे सडक कानुन मिचेका छन् ।

मन्त्री क्वार्टर हरिहर भवनदेखि कार्यालय जाने क्रममा थापाथलीमा सर्वसाधारण यात्रु हिँड्नका लागि मात्रै बनाइएको पदमार्गबाट उनी सवार बा २ झ ७९० नम्बरको प्राडोले सडक कानुन मिचेको हो । थापाथलीमा गलत लेनबाट आएको उनको सवारीले यात्रु हिँड्ने मार्गमा उकालेर सडक पार गरेको हो । उनको प्राडोले सडक कानुन मिचिरहँदा त्यहाँ रहेका ट्राफिक प्रहरी भने मुकदर्शक बनेका थिए । भिआइपी नम्बरप्लेट र राष्ट्रिय झन्डा फरफराएर आएको सवारीलाई कनिष्ठ प्रहरीले कारवाहीका लागि रोक्न सकेनन् ।

ट्राफिक प्रहरीले स्कर्टिङ नदिने राष्ट्रका प्रमुख ५ पद बाहेकका अन्यलाई कारवाही गर्नसक्ने अधिकार छ । सडक कानुन सबैले बराबर मान्नुपर्ने हुन्छ । ट्राफिक प्रहरी प्रमुख डिआइजी मिङ्मार लामाका अनुसार ट्राफिक प्रहरीको काम सडक कानुन नमान्नेलाई कारबाहीको दायरामा ल्याउने हो । उनले भने, ‘हामीले प्रमुख ५ पदबाहेकका व्यक्तित्वलाई स्कर्टिङ गर्ने चलन यहाँ छैन, सडक कानुन सबैका लागि बराबर हो, कानुन मिचे कारवाही हुनुपर्छ ।’

उनका अनुसार सवारीमा रहेका भीआइपीलाई नभई उनका चालकलाई कारबाही हुनुपर्छ । भने,‘गाडी जसले चलाएको हो, हामीले उसलाई कारबाही गर्छौं ।’ तर, प्राडोमा सवार कानुनमन्त्रीले नै सडक कानुन मिच्दै गर्दा चालकलाई नसुझाएर कानुन उल्लङ्घन गर्न प्रेरित गरेको देखिन्छ । काठमाडौंको सवारी चाप सबैभन्दा बढि रहने थापाथलीमा दुईजना ट्राफिक जवान लेन अनुशासनलाई मात्रै निगरानी गर्न राखिएको छ । जहाँ दैनिक दुई सय भन्दा बढि सवारी साधन लेन अनुशासनकै कारण कारवाही र जरिवानामा पर्ने गरेका छन् ।

यसरी सडक कानुन मिच्ने कानुनमन्त्री नायक एक्ला भने होइनन् । थापाथलीको व्यस्त सडकमा प्रायः उपप्रधान तथा गृहमन्त्री विमलेन्द्र निधीलगायत सवार गाडी जाममा बस्नुभन्दा सडक लेन मिचेर सडक पार गर्दै सर्वसाधारणलाई रमिता देखाउँदै आएका छन् । नेपालमा भिआइपीमा नैतिक शिक्षाको कमी रहेका कारणले पनि यसरी कानुन मिचिने गरेको छ । बेलायतका तत्कालिन प्रधानमन्त्री टोनी व्लेयरले जाम सडक जाम रहेका बेला हरियो वत्ती पर्खिएर कानुनको पालना गरेको समाचार विश्वव्यापी भएको थियो ।

प्रतिक्रिया दिनुहोस्
सम्बन्धित वर्गका समाचारहरू

पूर्वमुख्य सचिव अर्यालविरुद्ध पक्राउ पुर्जी जारी

मंसिर ३, काठमाडौं । पूर्वमुख्य सचिव एकनारायण अर्यालविरुद्ध वैदेशिक रोजगारीका लागि मलेसिया जाने श्रमिकमाथि भएको

काठमाडौँमा वायु प्रदूषण नियन्त्रण कार्ययोजना आउँदै

मंसिर ३, काठमाडौँ । काठमाडौँ महानगरपालिकाले उपत्यकामा बढ्दो वायु प्रदूषण नियन्त्रणका लागि विशेष कार्ययोजना सार्वजनिक

सार्वजनिक खरिदका श्रमिकलाई न्यूनतम पारिश्रमिक तोकियो, अदक्ष कामदारको दैनिक १७४० पुग्यो

कार्तिक २३, २०८३, काठमाडौं । सरकारले सार्वजनिक खरिदअन्तर्गत सञ्चालन हुने सम्पूर्ण आयोजना तथा कार्यक्रममा आबद्ध

प्रेस स्वतन्त्रतामाथि सरकारी हस्तक्षेपबारे सरोकारवालाको ध्यानाकर्षण

कार्तिक  १९, काठमाडौं । काठमाडौंमा आयोजित एक कार्यक्रमका वक्ताहरूले प्रेस स्वतन्त्रतामाथि सरकारी हस्तक्षेप बढ्दै गएको

भोटेकोशी बाढीमा बेपत्ता मृत घोषणा गर्ने प्रक्रिया सुरु, राहत भने अझै अलपत्र

कार्तिक ११, काठमाडौँ । गत भदौ १० गते भोटेकोशी र त्रिशूली नदीमा आएको भीषण बाढीमा परी

गैरकानुनी बर्खास्तमा क्षतिपूर्ति निर्धारण गर्दा सेवा अवधि गणना गर्न सर्वोच्चको आदेश

काठमाडौं, २६ असोज। सर्वोच्च अदालतले गैरकानुनी रूपमा बर्खास्त गरिएका श्रमिकलाई पुनर्बहाली नगर्ने अवस्थामा क्षतिपूर्ति निर्धारण