चीनले भारतलाई दियो चेतावनी : यसको मूल्य भारतले चुकाउनु पर्छ

चीनको सरकारी समाचार माध्यम ग्लोबल टाइम्सका अनुसार अरुणाञ्चल प्रदेशको छ स्थानको नाम राखेको प्रति भारतले दिएको प्रतिक्रिया वाहियात भएको बताएको छ ।

पत्रिकाले भारतद्वारा दलाई लामा कार्ड प्रयोग, चीनसँगको क्षेत्रीय विवाद बढ्यो शीर्षकमा लेख प्रकाशन गरेको छ ।
लेखमा भारतले यस विषयलाई गम्भीरतासँग लिन आवश्यक रहेको बताउँदै चीनले यस बारेमा दक्षिण तिव्वतमा मानकीकृत नामको घोषणा गरेको जनाएको छ ।

उसले भारतलाई दलाई लामालाई प्रयोग नगर्न चेतावनी दिदै बेवास्ता गरेमा यसको मूल्य भारतले चुकाउनु पर्ने चेतावनी दिएको छ ।

ग्लोबल टाइम्सले दक्षिणी तिव्वत ऐतिहासिक रुपमा चीनको हिस्सा भएको र त्यहाँको नाम स्थानीय जातिय संस्कृतिको हिस्सा भएको बताएको छ । उसले स्थानीय बोलिचालीको नाम राख्नु जायज भएकोसमेत जनाएको छ ।

चीन अरुणाञ्चल प्रदेश दक्षिण तिव्वत भएको बताउँदै आएको छ र उसले १९ अप्रिलमा भारतको पूर्वोत्तर राज्यको ६ स्थानको आधिकारीक नाम समेत दिएको छ ।

चीनको यो कदम दलाई लामाले सीमावर्ती राज्यको यात्र गरेको भन्दै भारतको कडा विरोध गरेको केही दिन पछि आएको हो ।