बालुवाटार पुगे काँग्रेस नेता

काठमाडौं – स्थानीय तहको चुनाव घोषणाको निर्णायक तयारीमा रहेका प्रधानमन्त्री पुष्पकमल दाहाल प्रचण्डले सत्तारुढ घटक काँग्रेससँग वैठक आव्हान गरेका छन् । वैठक विहान ९ बजेदेखि प्रधानमन्त्री निवास बालुवाटारमा शुरु भएको छ ।
सरकारले फागुन १० गतेभित्र नै चुनावको मिति घोषणा गर्ने बताईसकेको छ । प्रधानमन्त्री प्रचण्डले यस विषयमा आफ्नो पार्टीभित्र पनि छलफल गरेका छन् । काँग्रेस–माओवादीबीचको वैठकपछि चुनावको मिति घोषणा कहिले गर्ने भन्ने टुंगो लाग्नेछ । यद्यपी मोर्चा र राज्य पुनसर्रंचना आयोगको प्रतिवेदनमाथिको विवाद टुंगाउनु पर्ने भएकाले आज–भोलि नै चुनावको मिति घोषणाको सम्भावना कम छ ।

चुनावको मिति घोषणाका विषयलाई लिएर प्रधानमन्त्री प्रचण्डले शनिवार मधेशी मोर्चाका नेताहरुसँग पनि टलफल गरेका थिए । तर, मोर्चाका नेताहरुले मिति घोषणा भए सरकारलाई दिएको समर्थन फिर्ता लिने र आन्दोलनमा जाने चेतावनी दिएको छ । मोर्चाको यस्तो चेतावनीले प्रधानमन्त्री दवावमा परेका छन् । उनले ‘मेरो बाध्यता बुझिदिनुस्’ भन्दै मोर्चाका नेताहरुसँग आग्रह नै गरेका थिए ।