भद्रकुमारी घलेको सेवा सदनमा महानगरपालिकाले चलायो डोजर

श्रावण ३, काठमाडौं । काठमाडौंको अनामनगरमा रहेको भद्रकुमारी घले सेवा सदन खाली गराउन काठमाडौं महानगरपालिकाको दिएको ३ दिने अल्टिमेटम सकिएपछि आज काठमण्डौं महानगरपालिकाकों नगरप्रहरीले उक्त सेवासदनका केहि घरहरु भत्तकाएको छ । महानगरपालिकाको अनुसार सार्वजनिक जग्गा कब्जा गरी भद्रकुमारी घले सेवा सदन सञ्चालन गरेपछि महानगर प्रहरीले उक्त भवन खाली गराउन लागेको हो।

उक्त सेवा सदनमा ठूलो संख्यामा प्रहरी समेत परिचालन गरेर नगरप्रहरीको सक्रियतामा डोजर लगाई भवनहरु भत्काईएको हो । उक्त भवनमा आश्रम सञ्चालन गरिराखेको थियो। त्यहाँ असहाय अशक्त वृद्धवृद्धाहरुलाई आश्रय दिइरहेको थियो। यो आश्रम २०६२ सालमा सञ्चालन गरेको थियो।

भद्रकुमारी घलेले संग्रहालयमा भएको आफनो सामान सुरक्षित साथ घरमा पुयाईदिन आग्रह गरेको नगरप्रहरी प्रमुख राजु पाण्डेले बताए ।

उनले भने, ‘उहाँ आमाले नै मलाई फोन गरे मेरो महानगरको अभियानमा समर्थन छ । मेरो सामानहरु सुरक्षित घरमा पुयाईदिनु भन्नुभएको छ । नगरप्रहरीले गाडी बोलाएर संग्रालयको सामान घरमा पुयाईदिन लागेकोछ । ’ सदनमा रहेको अनधिकृत संरचना सबै हट्ने उनले बताए ।

आजदेखि अभियान सुरु भएको उनको भनाइ छ । यहाँ आश्रममा बसेकाहरुलाई मानव सेवा आश्रममा पठाइने छ ।