असार १४,काठमाडौं । एकीकृत समाजवादीको कमलादीस्थित प्रज्ञा भवनमा केन्द्रीय परिषद भेला भइरहेको छ । हिजोबाट सुरु भएको भेलामा करिब १५ सय सहभागी रहेका छन् । मिनी महाधिवशेनको रुपमा पनि चर्चित यो भेलामा तीनजना नेताको खोजी खुबै गरियो । मन्त्री पद छोड्नुपर्ने भएपछि खुबै असन्तुष्ट देखिएका उनीहरु हिजोको भेलामा गएनन ।
नेता विरोध खतिवडा, प्रेम आले र किसान श्रेष्ठले अघोषित रुपमा बहिस्कार गरेको भेलामा रामकुमारी झाँक्री भने सहभागी थिइन । यी जना नेताहरु पार्टी निर्णयप्रति असन्तुष्ट थिए त्यही कारण उनीहरु भेलामा नगएको चर्चा पनि भइरहेको छ ।
आलेले शनिवारको केन्द्रीय कमिटी बैठक पनि बहिस्कार गरेका थिए । २०७९ असार १० गते शुक्रवारको पोलिटव्युरो बैठकमा ४८ घण्टाभित्र मन्त्री छोड्ने उद्घोष गरेका आले भोलिपल्ट बिहानै डोटीतिर लागेका थिए । दिउँसोको केन्द्रीय कमिटी बैठक छलेर डोटीको सामान्य कार्यक्रममा सहभागी भएर असार १२ गते आईतवार बिहान काठमाडौै आए अनि दिउँसो राजीनामा दिए ।
केन्द्रीय कमिटी बैठक समेत छलेका आले केन्द्रीय परिषद् भेलामा समेत नगएपछि पार्टीभित्र उनीप्रतिको आशंका भने बढेको समाजवादीका नेताहरुले बताउन थालेका छन् ।
कतिपयले आले चुनावको बेलासम्म एकीकृत समाजवादीमा नरहने बताउने गरेका पनि छन् । किसान श्रेष्ठ पनि चुनावसम्ममा एमाले प्रवेश गर्न सक्ने हल्ला पनि चलेको छ । एमाले प्रवेश गर्दा उनकाे निर्वाचन क्षेत्र समेत सुरक्षित हुने अवस्था छ ।
अहिले सांसद पद छोडेर उनीहरु एमालेमा नगएपनि अन्तिमसम्ममा समाजवादीमा भने नरहने चर्चा भइरहेको छ । यस्तो बेलामा नेकपा एकीकृत समाजवादीकाे भेलामा अनुपस्थितिले आशंकालाई थप बल दिएको बताइएको छ ।
कार्तिक १०, काठमाडौँ । नयाँदिल्लीमा आयोजित एक अन्तर्राष्ट्रिय सम्मेलनमा अर्थमन्त्री डा. स्वर्णिम वाग्लेले दिएको अभिव्यक्तिलाई लिएर
२०८३ कार्तिक ८, काठमाडौं । पीएचपी प्रोग्रामिङ भाषामा सुरक्षा कमजोरी भेटिएपछि नेपालका अधिकांश सरकारी वेबसाइट
काठमाडौं, २६ असोज। सर्वोच्च अदालतले गैरकानुनी रूपमा बर्खास्त गरिएका श्रमिकलाई पुनर्बहाली नगर्ने अवस्थामा क्षतिपूर्ति निर्धारण
२६ असोज , काठमाडौं । नेपाल स्केटिङ तथा स्केटबोर्डिङ संघको कार्यसमितिमा नरहेकी पवित्रा रेग्मीलाई बैंक
जलवायु परिवर्तनको भारी: नेपालले कुल कार्बन उत्सर्जनमा ०.१ प्रतिशतभन्दा कम योगदान दिए पनि ठूलो मूल्य
असोज ८,काठमाडौं । सर्वोच्च अदालतले राजनीतिक विश्लेषक भरत दाहाललाई थुनामुक्त गर्न परमादेश जारी गरेको छ।दाहालकी