मलाई हटाएर देखाउनुस् : प्रधानमन्त्री ओली

झापा फागुन १७ : प्रधानमन्त्री केपी शर्मा ओलीले आफूलाई हटाएर देखाउन नेकपाको पुष्पकमल दाहाल र माधवकुमार नेपाल समूहलाई चुनौती दिएका छन्। संसद् मुद्दा जितेर ल्याउनुभएको हो भने केपी ओलीलाई पनि हटाएर जितेर देखाउनुहोस्’, प्रधानमन्त्री ओलीले आइतबार झापामा भने, ‘केपी ओलीलाई हटाएर देखाउनुहोस्, फेरि ३ करोड जनताको मन र मत जितेर जनताको सेवा गर्न फर्किनेछु। मेरो टाउकामा जनताको हात आशीर्वादको रूपमा भइन्जेल म हार्दिनँ।’

प्रधानमन्त्री ओलीले आफूले कमै मात्र मुद्दा जितेको तर जनताको साथ भएपछि मुद्दा हारेर फरक नपर्ने बताए। ‘गल्ती गर्दिनँ तर मुद्दा हार्छु। आफू सही छु तर पनि मुद्दा हार्छु’, ओलीले भने, ‘त्यसैले अहिले सर्वोच्च अदालतमा हारेको मुद्दा पनि मेरा लागि अनौठो होइन।’

ओलीले दाहाल र कांग्रेस सभापति शेरबहादुर देउवालाई भेट्न गएकामा व्यंग्य गरे। ‘दुई भाइ चितवनबाट प्लेन चढेर लड्डु खाएर सुतेका बूढानीलकण्ठलाई पूजा गर्न गए भनेको त उठिरहेका बूढानीलकण्ठको पूजा गर्न गएका रहेछन्’, उनले भने।

उनले बलिदानपूर्ण संघर्ष गरेर ल्याएको लोकतन्त्रलाई मर्न नदिने अठोट सुनाए। ‘हामी अहिले पनि सही बाटोमा छौं। झुसे बारुलाले फुर्ती नलगाए हुन्छ’, उनले भने, ‘संघर्ष हाम्रो जीवन हो भन्ने हामीलाई राम्रो थाहा छ।’ जनताले ल्याएको परिवर्तनको रक्षा जनताले नै गर्ने उनको भनाइ थियो। ‘नेपाली जनताले ल्याएको यो परिवर्तन, नेपाली जनताले नै यसको रक्षा गर्छन्’, उनले भने।

उनले आइतबार चीन–नेपालमैत्री औद्योगिक पार्क शिलान्यास गरे। यस्तै, आइतबारै कमल गाउँपालिकाको तोपगाछी क्याम्पाबाट धरमपुर मंगलबारे जोड्ने पक्की पुल, दमक नगरपालिका–१० मा रहेको मावा खोलाको पुल, इलामको चुलाचुली जोड्ने पुल उद्घाटन गरे। दमकको बेलडाँगी र इलामको बुकुवाबीचको रतुवा खोलाको पुलको शिलान्यास  प्रधानमन्त्रीले गरेको आजको अन्नपुर्ण पोस्टमा राधा खनालले लेखेकी छिन ।

प्रधानमन्त्रीले मदन भण्डारी राजमार्गमा जोडिने ३१ वटा पुलको शिलान्यास एकसाथ गरे। उनले पुल शिलान्यास गर्दै, ‘अब जनताले पुल र बाटो भएन भन्ने गुनासो गर्नुपर्ने छैन। सरकार खोजी–खोजी निर्माण गर्ने अभियानमा छ।’

प्रतिक्रिया दिनुहोस्
सम्बन्धित वर्गका समाचारहरू

पूर्वमुख्य सचिव अर्यालविरुद्ध पक्राउ पुर्जी जारी

मंसिर ३, काठमाडौं । पूर्वमुख्य सचिव एकनारायण अर्यालविरुद्ध वैदेशिक रोजगारीका लागि मलेसिया जाने श्रमिकमाथि भएको

आगामी चुनावलाई ‘भीषण सङ्घर्ष’ भन्दै बादलको एकतामा जोड

मंसिर ३, काठमाडौँ । नेकपा एमालेका उपाध्यक्ष रामबहादुर थापा ‘बादल’ले आगामी निर्वाचन पपुलिस्ट तथा फासीवादी

स्थानीय चुनावलक्षित एमालेको राष्ट्रिय भेला हुँदै

२०८३ कात्तिक ३०,काठमाडौं । नेकपा (एमाले) ले आगामी मंसिर २ र ३ गते काठमाडौंमा राष्ट्रिय

सार्वजनिक खरिदका श्रमिकलाई न्यूनतम पारिश्रमिक तोकियो, अदक्ष कामदारको दैनिक १७४० पुग्यो

कार्तिक २३, २०८३, काठमाडौं । सरकारले सार्वजनिक खरिदअन्तर्गत सञ्चालन हुने सम्पूर्ण आयोजना तथा कार्यक्रममा आबद्ध

ट्रेड युनियन अधिकार कमजोर पार्ने सरकारी निर्णय फिर्ता लिन अन्तर्राष्ट्रिय श्रमिक संगठनहरूको माग

कार्तिक १९,काठमाडौं । अन्तर्राष्ट्रिय ट्रेड युनियन महासंघ एसिया–प्रशान्त क्षेत्र (आईटीयूसी–एपी) सहित विभिन्न अन्तर्राष्ट्रिय श्रमिक संगठनहरूले

प्रधानन्यायाधीश र न्यायाधीशबारे छानबिन गर्न माग

काठमाडौँ, १३ कात्तिक। प्रधानन्यायाधीश डा. मनोजकुमार शर्मा र सर्वोच्च अदालतका न्यायाधीश हरिप्रसाद फुयाँलको नाम जोडिएर