राजनीतिक नियुक्तिसहितको प्याकेजमा पार्टी एकता र सरकार जान्छौं : प्रचण्ड 

काठमाडौं, फागुन ४ । काठमाडौमा फागुन ४ गते शुक्रबार भएको पार्टी निकट शिक्षकहरुको सम्मेलनलाई सम्बोधन गर्दै माओवादी केन्द्रका अध्यक्ष प्रचण्डले पार्टी एकता र सरकार गठनका  सम्बन्धमा आएका समाचारहरु गलत भएको दावी गरेका छन् ।

‘हामी हिजो(२०७४ फागुन ३ गते) नै सरकारमा नजाँदा जेजति हल्ला चलाइयो ती सबै गलत छन् । हामी अझै पनि वार्ता मै छौ । राष्ट्रपति, उपराष्ट्रपति, सभामुख, उपसभामुख र मन्त्रीहरुकै विषय टुङ्ग्याएर प्याकेजमै एक दुईदिनभित्रै पार्टी एकताको खाका तयार गर्छौ’ पूर्व प्रधानमन्त्री समेत रहेका प्रचण्डले भने, ‘ हामी राजनीतिक नियुक्तिसहितको एकता गर्छौ ।

वार्ता सकारात्मक भइरहेको छ, बाहिर आएका हल्लामा विश्वास नगर्नुस, मुलुकले ७० वर्षपछि स्थायित्व पाउन लागेको छ, यसअघिका सबै सरकार कमजोर भएको र अब बन्ने सरकारले अघिल्ला सरकारहरुले गर्न नसकेका काम गरेरै छाड्ने दाबी गरे । ।’