काठमाडौँ, मङ्सिर ११ । नेपाल राष्ट्र बैंकले एक सय रुपियाँ दरको नयाँ बैंक नोट आजदेखि चलनचल्तीमा ल्याएको छ। बैंकले बिहीबार जारी गरेको सूचनामार्फत उक्त नोट आजदेखि बजारमा प्रचलनमा आएको जनाएको हो।
नयाँ नोटमा उन्नत सुरक्षा सुविधा र दृश्यात्मक विशेषता समावेश गरिएको बैंकले जानकारी दिएको छ। नोटको बायाँतर्फ सगरमाथाको चित्र तथा दायाँतर्फ लालीगुराँसको पानी छाप छ। मध्यभागमा नेपालको नक्सा र अशोक स्तम्भको चित्र समावेश गरिएको छ।
साबिककै आकार र रङमा आएको यस नोटमा “नेपाल सरकारको जमानत प्राप्त यसको रुपियाँ भुक्तानी माग्न आएमा नेपाल राष्ट्र बैंकबाट १०० रुपियाँ तुरुन्त पाइने छ” भन्ने अभिलेख उल्लेख गरिएको छ।
दृष्टिविहीन प्रयोगकर्तालाई सहज बनाउन अशोक स्तम्भसँगै छामेर पहिचान गर्न सकिने एक कालो थोप्ला राखिएको छ। त्यस्तै, बायाँतर्फ अण्डाकार भित्र सिल्भर मेटालिकमा मायादेवीको चित्र पनि समावेश गरिएको बैंकले जनाएको छ।
सुरक्षाका लागि नोटमा २ मिमी चौडाइको सुरक्षा धागो राखिएको छ, जसलाई सीधा हेर्दा रातो र ढल्काएर हेर्दा हरियो रङ देखिन्छ।
नोटमा तत्कालीन गभर्नर महाप्रसाद अधिकारीको दस्तखत छ भने तल्लो भागको किनारमा नेपाली अक्षरमा ‘वि. सं. २०८१’ सिरिज नम्बर उल्लेख गरिएको छ।
दुबई, साउन ३ (रासस)। जोर्डनस्थित अमेरिकी सैन्य अड्डामा भएको आक्रमणमा अमेरिकी सैनिकको मृत्यु भएपछि त्यसको
काठमाडौं, ३१ असार २०८३। नक्कली भुटानी शरणार्थी प्रकरणमा दोषी ठहर भएका व्यक्तिहरूलाई काठमाडौं जिल्ला अदालतले
राइडर्स युनियनको प्रश्न– ‘समस्या नीतिमा छ, तीन ट्राफिकमाथिको छानबिनले मात्र समाधान हुँदैन’ काठमाडौं, असार २६
काठमाडौं, असार २६ । काठमाडौंको त्रिपुरेश्वरस्थित राहदानी विभागअगाडि राइड सेयरिङ चालक गणेश नेपालीले आत्मदाहको प्रयास गरेपछि
काठमाडौँ, असार २३ गते । उद्योग, वाणिज्य तथा आपूर्तिमन्त्री गौरीकुमारी यादवले सैनिक सामग्री उत्पादन निर्देशनालयमार्फत
काठमाडौँ, असार १९ । प्रधानमन्त्री वालेन्द्र शाहले विभिन्न संवैधानिक निकायमा रिक्त रहेका पदमा नियुक्तिका लागि
