काठमाडौं, साउन १६ गते। आजको रात बागमती प्रदेशका पहाडी भेगमा भारी वर्षाको चेतावनी दिइएको छ। जल तथा मौसम पूर्वानुमान महाशाखाले देशभर सामान्य बदलीको अवस्था रहने जनाउँदै, विशेषगरी बागमती, कोशी, गण्डकीलगायतका पहाडी क्षेत्रमा मेघगर्जनसहित तीव्र वर्षाको सम्भावना औंल्याएको छ।
दिउँसो कोशी, लुम्बिनी, कर्णाली र सुदूरपश्चिमका पहाडी भागमा तथा तराईका केही क्षेत्रमा मध्यम वर्षा हुने सम्भावना छ। तर, आज राति बागमती प्रदेशका पहाडी क्षेत्रमा केही स्थानमा ‘भारी वर्षा’ हुने प्रबल सम्भावना रहेको भन्दै महाशाखाले विशेष सतर्कता अपनाउन आग्रह गरेको छ।
पूर्वानुमानअनुसार वर्षाका कारण भूक्षय, बाढी, गेग्रान बहाब, तथा सहरी र तराई क्षेत्रमा डुबानको खतरा बढेको छ। ठूला तथा साना नदी-नालामा पानीको सतह अचानक बढ्न सक्ने भएकाले नदी किनारमा बसोबास गर्ने समुदायलाई विशेष सतर्कता अपनाउन सुझाव दिइएको छ।
अत्यधिक वर्षाले दैनिक जनजीवनसँगै कृषि, स्वास्थ्य, पर्यटन, निर्माण, सडक तथा हवाई यातायातसमेत प्रभावित हुनसक्ने महाशाखाले जनाएको छ। जोखिम न्यूनीकरण र आपतकालीन तयारीका लागि सबै सरोकारवाला निकाय र आम जनतालाई तयारी अवस्थामा रहन अनुरोध गरिएको छ।
बिहीबार, मंसिर १८, काठमाडौँ । जेनजी प्रदर्शनका क्रममा ‘आपराधिक गतिविधि’मा संलग्न भनिएका व्यक्तिहरूका मुद्दा फिर्ता
१५ मंसिर २०८२, सोमबारनेपालमा सरकारी सेवा लिन चाहने जनसाधारणको अनुभव झनै निराशाजनक बन्दै गएको छ।
काठमाडौँ, मङ्सिर ११ । नेपाल राष्ट्र बैंकले एक सय रुपियाँ दरको नयाँ बैंक नोट आजदेखि
मंसिर ५, काठमाडौं। राहदानी विभागले फ्रान्सेली कम्पनी ‘E Smart Identity France SAS (पूर्व आईडेमिया)’ सँग
२०८२ मंसिर २, रुपन्देही । मजदुर नेता कमल गौतमको निधन भएको १९ दिन बितिसक्दा पनि
देशमा विद्यार्थी र श्रमिक फिर्ता नीति तथा ‘डायस्पोरा नेटवर्क’ विकास गर्नुपर्छ कात्तिक , २८
