२८, पौष, सुर्खेत । ट्रेड युनियनकर्मीहरुको आन्दोलनबाट प्राप्त श्रम ऐन र योगदानमा आधारित सामाजिक सुरक्षा कोषलाई पूर्ण रुपमा कार्यान्वयन गर्न गराउन साझा अवधारणाबाट अगाडी बढ्ने कर्णाली प्रदेशमा क्रियाशील ट्रेड युनियनहरुले घोषणा गरेका छन् । शनिबार सुर्खेतमा सम्पन्न संयुक्त ट्रेड युनियन समन्वय समिति (जेटियूसीसी) कर्णाली प्रदेशको नेतृत्व हस्तान्तरण कार्यक्रममा सहभागी महासंघका नेतृत्वले सो घोषणा गरेका हुन् । 
कार्यक्रमका प्रमुख अतिथि श्रम रोजगार कार्यालय कर्णाली प्रदेशका कार्यालय प्रमुख शम्शेर रानाले श्रम कानुन, सामाजिक सुरक्षा, असल श्रम सम्बन्ध विकास र मर्यादित कामको लागि प्रदेश स्तरीय श्रम समिति गठन गरी अगाडी बढ्ने प्रतिवद्धता गर्नुभयो ।
विशिष्ट अतिथि सुर्खेत उद्योग वाणिज्य संघ सुर्खेतका अध्यक्ष लक्ष्मण कँडेलले श्रम बजारलाई चलायमान बनाउन निजि क्षेत्र अत्यन्तै अप्ठ्यारो परिस्थितिबाट गुज्रिदै गर्दा निराशाजनकबाट माथि उठी आशावादी बन्नै पर्ने धारणा राखे ।
सन् २०२३ का जेटियुसीसी प्रदेश संयोजक तेज प्रकाश जिसीको अध्यक्षतामा सम्पन्न उक्त कार्यक्रममा जिसीले आर्थिक वर्ष २०२३ को वार्षिक प्रगति प्रतिवेदन प्रस्तुत गर्दै त्रिपक्षीय सम्वादमा सरकार र रोजगारदाताको निरासाजनक सहभागितालाई सुधार गर्नुपर्ने र श्रमिकहरुको रोजगारीको सुनिश्चितताका लागि योगदानमा आधारित सामाजिक सुरक्षा कोषमा सूचिकृत गर्न प्रभावकारी रुपमा कार्यान्वयन गर्नुपर्ने बताए । केन्द्रले सन् २०२४ को निर्दिष्ट गरेको कार्यभारलाई प्रदेशले पूणर् रुपमा कार्यान्वयनमा ल्याई गुणात्मक उपलब्धि हासिल हुनेमा जिसीले विश्वास व्यक्त गरे ।
सन् २०२४ को लागि एनटियूसी प्रदेश अध्यक्ष गोपाल कृष्ण गिरीले जेटियूसीसी प्रदेश संयोजकको नेतृत्व हस्तान्तरण ग्रहण गर्दै छलफल, परामर्श, बहस गर्दै साझा एजेण्डा तयार गरी श्रमीकहरुको पक्षमा पैरवी गर्ने प्रतिवद्धता जनाउनुभयो ।
कार्यक्रममा प्रदेशमा श्रमसँग प्रत्यक्ष सरोकार राख्ने निकायका प्रमुख, पत्रकार र क्रियाशील सात वटा टे्रड युनियन महासंघका अध्यक्ष, उपाध्यक्ष र सचिवको सहभागिता रहेको थियो ।
२९ वैशाख २०८२ । विनाशकारी दोस्रो विश्वयुद्धपछि शक्तिराष्ट्रलाई पनि के कुराको अनुभूति भयो भने युद्ध
बैशाख २३ गते २०८२ काठमाण्डौ । अनुमान पनि गर्न नसकिने यो कहालिलाग्दो अवस्थाको अनुमान गरौं
वैशाख २३ । अमेरिकी राष्ट्रपति डोनाल्ड ट्रम्पले आइतबार अधिकारीहरूलाई अल्काट्राज कारागार पुनर्निर्माण र पुनः खोल्न निर्देशन
२१ वैशाख २०८२, काठमाडौं। नेपाल विद्युत प्राधिकरणले श्वेतपत्र सार्वजनिक गरेको छ । कार्यकारी निर्देशक हितेन्द्रदेव
कोलकाता, वैशाख १७ गते । भारतको कोलकाता सहरको एक होटलमा भीषण आगलागी हुँदा कम्तीमा १५ जनाको
विकास हरेक क्षेत्रका लागि अत्यावश्यक, गतिशील सामयिक परिवर्तनको प्रतिविम्ब हो । यो एउटा यस्तो सकारात्मक
