उनी पनि न्याय खोज्न सदरमुकाम धाइरहँदा घरमा दसैं होइन न्याय भौतारिएको छ । घटना गत २४ भदै राति १ बजेको हो । घरको किचनमा गड्याङगुडुङ आवाज आएपछि निन्द्रबाट ब्युँझिइन् । किचनबाट टिनको बोरा भएकाले मध्यरातमा ठुलो आवाज आउँदा ब्युँझिएकी महिलासँग उज्यालो थिएन । मोबाइलको लाइट खोलेर बत्ती बाल्न खोज्दा लाइन थिएन । र उठेर किचनमा जाँदा देउमाई नगरपालिका–३ का २९ वर्षका संगेस राई रहेछन् ।
‘मातेको अवस्थामा थिए, कताबाट आइस् भ तिम्रो परिवारलाई फोन गरौं । त्यति भनेपछि केही नभनी घाँटीमा समाई लछारपछार गर्दै लडाएर ममाथि चढेर मार्न खोज्यो, गहभरि आँसु बनाउँदै ती महिलाले भनिन्, त्यतिबेला म कराएँ तर मेरो घरछेउमा खोला भएकाले कसैले सुनेन । नजिकै कुनै पनि छिमेकीको घर छैन ।’
उनले थपिन् मैले उसको छातीमा टोकेपछि छाडेर भाग्यो । त्यही समय मोबाइल कता उछिट्टिएछ । उज्यालो भएपछि मात्र भेटे । बिजुलीको एमसीसी झारेर बत्ती काटेको रहेछ, बिहान मात्र थाहा पाएँ । घटनाबारे बिहानै छरछिमेकलाई सुनाएँ । फोन सम्पर्क गरेर भने । घटना तत्काल इलाम प्रहरी मगंलबारेलाई जानकारी दिए ।
जिल्ला प्रहरी कार्यालयमा झिकाइयो । कार्यालयमै प्रहरीले जाहेरी दखास्त बनायो । पीडक राईलाई पनि पक्राउ गरे । ल्याए, थुनामा राखेन । जिल्ला अदालतले म्याद थप गरेन । ‘ऊ अहिले खुलेआम हिँडिरहेको छ, मलाई मार्छु भनेको छ,’ उनले भनिन् ‘एकान्तमा घर छ । उसले यो धम्कीले सन्चले सुत्न पाएको छैन । यस विषयमा कसैले सहयोग गरेको छैन । न्याय पाएको छैन । सहयोग गरिदिनुप¥यो ।’
प्रहरीबाट गएको जाहेरी नै उल्टो भएका कारण अदालतबाट समेत म्याद थप नभएको उनको दुखेसो छ । पहिला आफूले लेखेको उजुरी निवेदन पुनः माग्दासमेत जिल्ला प्रहरी कार्यालय इलामले नदिएको पीडित बताउँछिन् । सो घटना बाहिर ल्याए उल्टै मार्ने धम्की आउने गरेको महिलालाई ‘तैंले नै बोलाएको भन्छु, नत्र तँलाई नै मार्छु’ भनेर धम्की दिने गरेको उनले बताइन् ।
पीडक पक्राउ भएर जिल्ला प्रहरी कार्यालयमा ल्याएपछि इलाम नगरपालिका –१ का वडाअध्यक्ष आएका थिए । उनी आएपछि पक्राउ गरेका व्यक्तिलाई प्रहरीले छोडिदिएको महिलाको गुनासो छ । जाहेरी लेख्दासमेत प्रहरीबाट न्यायका निम्ति सहयोगभन्दा पनि उल्टै धम्याउने गरेको उनको दुःखेसो छ ।
आफू पीडित भएको भन्दै महिला हाल अधिकारवादी र सञ्चारकर्मीसमक्ष पुग्ने गरेकी छिन् । जिल्ला प्रहरी कार्यालय इलामका डीएसपी प्रकाश जवेगुले प्रहरीले घटना थाहा पाएपछि पक्राउ गरेर ल्याएको र म्याद थपका लागि अदालमै लैजादाँँ अदालतले म्याद थप नगरेपछि पक्राउ गरेको व्यक्ति छोडेको बताए ।
मंसिर १८ हुम्ला । सोमबार बिहानैबाट हिमाली जिल्ला हुम्लामा हिमपात सुरु भएको छ । रातभर
मंसिर १३, काठमाडौं । राजसंस्था सहितको हिन्दुराष्ट्र नेपालको नारासहित क्रियाशिल राष्ट्रिय प्रजातन्त्र पार्टी (राप्रपा) भित्र
मङ्सिर ११, काठमाडौं। प्रधानमन्त्री पुष्पकमल दाहाल ‘प्रचण्ड’ले संविधानमा व्यवस्था अनुसार समाजवाद उन्मुख संविधान कार्यान्वयनको सबैभन्दा
मङ्सिर ११, काठमाडौँ । योगदानमा आधारित सामाजिक सुरक्षा योजनामा योगदान गरिरहेकै अवस्थामा मृत्यु भएका व्यक्तिका
मङ्सिर ६,काठमाडौं । बिहीबार अत्यावश्यक काममा मात्र सवारीसाधन लिएर निस्कन ट्राफिक प्रहरीले अनुरोध गरेको छ ।
पोखरा, मङ्सिर ४ गते । गण्डकी प्रदेश सरकारका मुख्यमन्त्री सुरेन्द्रराज पाण्डेले अन्तिम सत्य नै शान्ति भएको
