नेकपामा शुरु भयो माहाधिबेशनको चटारो, सदस्यता नविकरणको लागि बामदेवले बसाले वैठक

भाद्र ३० काठमाण्डौं । नेकपाको स्थायी कमिटीको वैठक सकिय लगत्तै महाधिवेशनको तयारीमा संगठन विभाग तातेको छ । संगठन विभाग प्रमुख वामदेव गौतमको अध्यक्षतामा आइतबार बसेको बैठकमा  सम्पुर्ण पार्टी सदस्यहरुको सदस्यता नविकरण गरि व्यवस्थित अभिलेखिकरण यहि मंसिरभित्रमा गरिसक्ने  कार्ययोजना पास गरेको  छ ।

सदस्यता नविकरणका  सम्बन्धित व्यक्तिले सदस्यता लिएको खुल्ने कागजात या तत्कालीन पार्टीले गरेको सिफारिस र निर्णय–पुस्तिकाको कपी प्रमाणका रूपमा अनिवार्य पेस गर्नुपर्ने गरी निर्णय भएको छ।

 स्थायी कमिटीको  शुक्रबार सम्पन्न बैठकले चैतमा महाधिवेशन सम्पन्न गर्ने कार्ययोजनासहितको तयारीबारे छलफल गर्न १५ देखि १७ कात्तिकमा केन्द्रीय कमिटी बैठक बोलाउने निर्णय गरेको छ । संगठन विभागको कार्ययोजनामा आगामी कात्तिकभित्र सम्बन्धित जिल्ला कमिटीले पार्टीको संगठित सदस्यता विवरण अद्यावधिक गरी प्रदेश कमिटी हुँदै केन्द्रीय संगठन विभागमा पठाउने स्थायी कमिटीको निर्णय छ । यसबाहेक मंसिरभित्र संगठित सदस्यता नवीकरण सम्पन्न गर्ने तथा प्रवास क्षेत्रमा पनि सोहीअनुरूप गर्ने प्रस्ताव स्थायी कमिटीबाट पारित भएको छ ।  संगठन विभागले महाधिवेशन तयारीकै सिलसिलामा छलफल गरेको गरेको वताएको छ ।

 बैठकले ज्ञानबहादुर भुजेललाई संगठन विभागको कार्यालय सचिवको जिम्मेवारी तोक्नेसमेत निर्णय गरेको छ ।  स्थायी कमिटी बैठकको निर्णयको सर्कुलर जारी भएलगत्तै पुनः अर्को बैठक बस्ने विभागका नेताहरूबीच समझदारी भएको छ ।