साउन १२, काठमाडौं । सिंगापुरमा जारी आईसीसी टी–ट्वान्टी विश्वकप छनोटको अन्तिम खेलमा नेपाल पराजित भएको छ ।
ईण्डियन एसोसियसन क्रिकेट मैदानमा आइतबार भएको खेलमा घरेलु टोली सिंगापुरले नेपाललाई ८२ रनले पराजित गरेको हो । जितसँगै सिंगापुर फाइनलको विजेता बन्दै ग्लोबल छनोटमा पुगेको छ ।
अन्तिम खेलमा हार व्यहोरेको नेपालको भने अष्ट्रेलियामा अर्को वर्ष आयोजना हुने टी–ट्वान्टी विश्वकप खेल्ने सपना तुहिएको छ । नेपाल विश्वकपको ग्लोबल छनोटमा पुग्न पुनः असफल भएको छ ।
सिंगापुरले दिएको १ सय ९२ रनको फराकिलो लक्ष्य पछ्याएको नेपाल १५ ओभरमा अलआउट हुँदै १०९ रनमा समेटियो ।
नेपालका लागि उपकप्तान ज्ञानेन्द्र मल्लले ३९ रन जोडे । त्यसैगरी दिपेन्द्रसिंह ऐरीले २३ रन बनाए भने २१ बल खेलेका ज्ञानेन्द्र ४ चौका र ३ छक्का प्रहार गरे ।
यस्तै दिपेन्द्रले २२ बल खेल्दै १ चौका र छक्का प्रहार गरेका थिए । कप्तान पारस खड्का १२ रनमा आउट भए भने शरद भेषवाकरले ७ रन, सोमपाल कामीले ११, विनोद भण्डारीले ९ र रोहित कुमार पौडेलले ५ रन बनाए ।
सिंगापुरका विजय कुमारले ४, बिनोथ बसक्रनले २ विकेट लिए भने अम्जाद महबो, जनक प्रकाश र अन्नथ कृष्णले १–१ विकेट लिए ।
यसअघि टस जितेर पहिले ब्याटिङ गरेको सिंगापुरले पुरै २० ओभर खेल्दै ६ विकेट गुमाएर १९१ रन बनाएको थियो । सिंगापुरका लागि रोहन र टिमले दोस्रो विकेटका लागि ८९ रनको साझेदारी गरेका थिए ।
सिंगापुरका लागि टिम डेभिडले अर्धशतक बनाए । ४३ बल खेलेका उनले ८ चौका र ३ छक्काको मदतमा ७७ रन बनाए ।
त्यस्तै ३३ बलमा ३ चौका र ४ छक्का प्रहार गरेका रोहन रङगराजन शरद भेषवाकरमार्फत् क्याच भएका थिए भने २७ बलमा ३ चौका र २ छक्का प्रहार गरेका मनप्रितले ४२ रन जोडेका थिए। त्यसैगरी अनिस परम ९ रनमा अबिजित रहे ।
नेपालका अभिनास बोहराले ४ र करण केसीले २ विकेट लिए ।
४ खेलमा ३ जित निकालेको सिंगापुरले ७ अंक जोडेको छ । अब सिंगापुरले युनाइटेड अरब इमिरेट्स (युएई) मा हुने ग्लोबल क्वालिफायर खेल्नेछ ।
असार ९,चितवन । राष्ट्रिय स्वतन्त्र पार्टी (रास्वपा)ले आफ्नो पहिलो महाधिवेशनअन्तर्गत नेतृत्व चयन प्रक्रियालाई थप व्यवस्थित,
अहमदावाद, भारत — भारतको अहमदावादमा जुन ४ देखि ८, २०२६ सम्म सम्पन्न प्रथम विश्व योग च्याम्पियनसिपमा
काठमाडौँ, जेठ २८ । संयुक्त ट्रेड युनियन समन्वय केन्द्र (जेटियुसिसी) का अध्यक्ष विनोद श्रेष्ठले नेपालमा
अधिवक्ता तारा निधि पन्त नेपालको अर्थतन्त्रमाथि छाया अर्थतन्त्र (Shadow Economy) को प्रभाव दिनप्रतिदिन गहिरिँदै गएको
काठमाडौँ, वैशाख ३१ । सरकारले संघीय मन्त्रालयको संख्या २२ बाट घटाएर १८ कायम गर्ने निर्णय
काठमाडौँ, वैशाख २५ । अख्तियार दुरूपयोग अनुसन्धान आयोगले गुणस्तर तथा नापतौल कार्यालय वीरगञ्जका तत्कालीन वरिष्ठ
