संसद सचिवालयभित्र चितुवा पसेपछि …… (भिडियो)

संसद सचिवालयभित्र चितुवा पसेपछि हंगामा भएको छ । चितुवालाई बाहिर निकाल्न १ सय जनाको टिम परिचालन गरिएको बताइएको छ । भारतको गुजरात राज्यको विधानसभा सचिवालयमा गएराती चितुवा पसेको हो । चितुवा राती १ बजेर ५३ मिनेटको समयमा सचिवालयभित्र पसेको सिसिटिभी फुटेजमा देखिएको छ । 

चितुवालाई बाहिर निकाल्न वन विभागका कर्मचारी, सुरक्षाकर्मी र विशेषज्ञ गरी १ सय जनाको टिम परिचालन गरिएको भारतीय संचारमाध्यमले जनाएका छन् । सचिवालयलाई बन्द गरिएको छ । मध्यरातमा सचिवालयको गेटमुनिको साँघुरो भागबाट चितुवा भित्र पसेको सिसिटिभी फुटेजमा देखिन्छ । 

गेटको मुनिपट्टी साँघुरो ठाउँ भए पनि चितुवाको शरीर लचकदार हुने हुँदा सजिलै भित्र पसेको देखिएको छ । सचिवालयको गेट नम्बर ७ बाट चितुवा भित्र पसेको थियो । यो षेत्र सुरक्षाको दृष्टिले पनि गम्भीर मानिन्छ । जन विभागका अधिकारी राजीव कुमारले चितुवालाई छिटै समातेर जंगलमा छोडिने विश्वास दिलाएका छन् । हेर्नुहोस् भिडियो :-