एजेन्सी । रसियामा जारी विश्वकप फुटबलअन्तर्गत समूह ‘जी’ को खेलमा इंग्ल्यान्डविरुद्ध पानामा ६–१ गोलअन्तरले पराजित भएको छ । इंग्ल्यान्डको जितमा कप्तान ह्यारी केनले ह्याट्रिक गोल गरे ।
जोहन स्टोनेसले खेलको आठौं मिनेटमा नै गोल गर्दै इंग्ल्यान्डलाई अग्रता दिलाएका थिए । खेलको २२औं मिनेटमा इंग्ल्यान्डका खेलाडीलाई पानामाका खेलाडीले आफ्नो डीबक्सभित्र फल गरेपछि पेनाल्टी पाएको थियो । पेनाल्टीमा इंग्ल्यान्डका कप्तान ह्यारी केनले गोल गर्दै २–० गोलको अग्रता दिलाएका थिए ।
खेलको ३६औं मिनेटमा जेसी लिंगार्डले गोल गर्दै ३–० गोलको अग्रता दिलाएका थिए । उनले डी बक्स बाहिरबाट उत्कृष्ट सर्ट प्रहार गर्दै गोल गरे । त्यस्तै, खेलको ४० औं मिनेटमा जोहन स्टोनेसले गोल गर्दै ४–० गोलको अग्रता दिलाएका थिए । पहिलो हाफको अतिरिक्त समयमा पानामाका खेलाडीले आफ्नो डी बक्सभित्र फल गरेपछि इंग्ल्यान्डले फेरि पेनाल्टी पाएको थियो । पेनाल्टीबाट केनले गोल गर्दै पहिलो हाफसम्म ५–० गोलको अग्रता दिलाएका थिए ।
इंग्ल्यान्डको फराकिलो जितमा कप्तान ह्यारी केनले ह्याट्रिक गोल गरे । दोस्रो हाफको ६२औं मिनेटमा केनले ह्याट्रिक पुरा गर्दै इंग्ल्यान्डलाई ६–० गोलको अग्रता दिलाएका थिए । विश्वकपमा ह्याट्रिक गोल गर्ने इंग्लिस खेलाडीमा उनी तेस्रो बने ।
पानामाले खेलको ७८औं मिनेटमा गोल गर्दै खेल ६–१ गोलको स्थितिमा पु¥याएको थियो । पानामाको लागि फिलिपे बलोयले गोल गर्न सफल भए । तर फराकिलो अन्तरले अग्रता बनाएको इंग्ल्यान्डलाई रोक्न भने सकेन ।
समूह जी बाट बेल्जियम र इंग्ल्यान्ड समान १–१ खेल खेल्नु अघि नै विश्वकपको नकआउट चरणमा पुगेका छन् । दुबै टिमले समान २–२ खेलमा जित हात पार्दै ६ अंक बनाएका हुन् । यो समूहबाट पानामा र ट्युनिसिया भने विश्वकपबाट बाहिरिएका छन् ।
काठमाडौं । धादिङको थाँक्रे गाउँपालिका ७ स्थित सातकिल्लामा सर्वोच्च अदालतको अन्तरिम आदेशलाई अवहेलना हुने गरि
पेरिस, पुस १२ गते । सानो र गरिब मायोटदेखि तेल–धनी महाशक्ति साउदी अरबसम्म र समृद्ध युरोपेली
मङ्सिर २६, काठमाडौं। प्रधानमन्त्री केपी शर्मा ओलीसमक्ष राष्ट्रिय सूचना आयोगका नवनियुक्त प्रमुख आयुक्त डा. सुरेशप्रसाद आचार्यले
कार्तिक २६, काठमाडौं । नेपालको सबैभन्दा ठुलो इन्टरनेट सेवा प्रदायक वर्ल्डलिंक कम्युनिकेशनले हालै एक महत्वपूर्ण सामाजिक
पोषणविद् डा. अरुणा उप्रेती । तस्बिर : रासस कात्तिक १४,काठमाडौँ। नेपालीले सांस्कृतिक पर्व तिहार ढोकामा
नागरिक लगानी कोषका कार्यकारी निर्देशक पर्वतकुमार कार्की । काठमाडौँ, असोज ९ गते । वित्तीय क्षेत्रमा लामो
