काठमाडौं, फागुन १३ । नेपाली कांग्रेसको संसदीय दलको बैठकमा सभापति शेरबहादुर देउवा तथा पूर्व महामन्त्री तथा संसदीय दलको अध्यक्षका आकांक्षी प्रकाशमान सिंहबीच चर्काचर्की भएको छ । दलले सरकार बनाउने मौका पाएको अवस्थामा संसदीय दलको नेता नै प्रधानमन्त्री बन्ने हुनाले पनि अहिले देउवा र सिंहका बीच प्रतिस्पर्धा चलेको हो ।
यस्तै संवैधानिक परिषद्लगायत केही महत्त्वपूर्ण निकायमा पनि प्रमुख विपक्षी नेता सदस्य रहने संवैधानिक प्रावधान छ । संसदीय दलको बैठकमा बोल्दै सिंहले पार्टी हारेको अवस्थामा त्यसको जिम्मेवारी लिँदै सभापति संसदीय दलको नेतामा नउठ्ने परम्परा गिरिजाप्रसाद कोइरालाले नै सुरु गरेको बताएका थिए । प्रजातन्त्रको पुनस्र्थापना पश्चात वि.सं. २०४८ सालमा भएको संसदीय निर्वाचनमा बहुमत ल्याएको नेपाली कांग्रेस आफैँले मध्यावधि चुनावको घोषणा गरेर २०५१ सालमा निर्वाचन गराएको थियो ।
सो निर्वाचनमा नेपाली कांग्रेसले बहुमत ल्याउन नसकेपछि सभापति गिरिजाप्रसाद कोइरालाले संसदीय दलको नेतृत्वमा प्रतिस्पर्धा गरेका थिएनन् । नेता सिंहले त्यही कारणले ४९ वर्षको उमेरमा देउवा पहिलोपल्ट प्रधानमन्त्री बन्न पाएको स्मरण गराएका थिए । त्यसपछि २०६४ सालको निर्वाचनमा पनि नेपाली कांग्रेस दोस्रो ठूलो दल हुँदा सभापति गिरिजाप्रसाद कोइरालाले संसदीय दलको अध्यक्षमा नउठ्ने बताएपछि रामचन्द्र पौडेल तथा शेरबहादुर देउवाबीच प्रतिस्पर्धा भएकोमा पौडेल विजयी भएका थिए । तर पौडेल प्रधानमन्त्री बन्ने अवसरबाट भने वञ्चित नै रहे ।
सभापवति देउवाले भने नेपाली कांग्रेसको ५० हजार मतमात्र कम भएको र दलप्रति जनताको समर्थन कम नभएको हुनाले आफूले हारको जिम्मेवारी लिनु नपर्ने विचार प्रकट गरेका थिए । उनको विचारमा धेरै स्थानमा नेपाली कांग्रेस अन्तर्घातका कारण हारेको बताउँदै अन्तर्घातीलाई कारबाही गर्ने चेतावनी दिए । देउवाका अनुसार नेपाली कांग्रेसको आफ्नै अन्तर्घातका कारण १५ देखि २० ठाउँमा पार्टी पराजित भएको थियो । कान्तिपुर दैनिकमा खबर छ ।
वैशाख १७, काठमाडौँ। सरकारले तोकेको न्यूनतम पारिश्रमिक नदिने उद्योग र प्रतिष्ठानको सङ्ख्या छ प्रतिशतले बढेको
वैशाख १०,ललितपुर । प्रधानमन्त्री तथा नेकपा (माओवादी केन्द्र) का अध्यक्ष पुष्पकमल दाहाल ’प्रचण्ड’ ले चुनौतीहरू भए
वैशाख २, काठमाडौँ । प्रधानमन्त्री पुष्पकमल दाहाल ‘प्रचण्ड’ले विद्यालय जाने उमेरका बालबालिकालाई पायक पर्ने विद्यालयमा भर्ना
तुलसीपुर (दाङ), चैत २२ गते । लुम्बिनी प्रदेश सरकारका मुख्यमन्त्री डिल्लीबहादुर चौधरीले आज विश्वासको मत लिनुहुने
काठमाडौं, चैत २१ गते। शिक्षा, विज्ञान तथा प्रविधिमन्त्री सुमना श्रेष्ठले माध्यामिक शिक्षा परीक्षा (एसईई)बाट वञ्चित
चैत ७,काठमाडौँ। सर्वोच्च अदालत परिसरबाट सोमबार अत्याधुनिक हतियारसहित पक्राउ परेका दुई जनालाई पाँच दिन हिरासतमा राख्न