साउन ६, काठमाडौं– राष्ट्रिय प्रजातन्त्र पार्टीका अध्यक्ष कमल थापासँग उनकै पार्टीका नेता कार्यकर्ताले आफुहरुले पार्टीमा गरेको करोडौ लगानी फिर्ता मागेका छन् । तीन दिन अघिबाट काठमाडौमा सुरु भएको सो पार्टीको केन्द्रीय समिति बैठकमा कतिपय नेताहरुले जिन्दगीको सम्पुर्ण समय र आफुसँग भएको सवै सम्पत्ति पार्टीमा खर्चेपनि पार्टीले उचित मुल्यानकन गर्न नसकेकाले अध्यक्ष थापासँग आफ्नो लगानी फिर्ता माग्नु परेको बताएका छन् । 
बिहीबारको बैठकमा केन्द्रीय सदस्य दिलविकास राजभण्डारीले लिखित रुपमै आफुले पार्टीका लागि चार बर्षअघि दिएको रकमको हिसावकिताव अविलम्ब फिर्ता गर्न माग गरेका हुन् । उनले हालसम्म पार्टीमा चार करोड भन्दा बढि रुपैयाँ लगानी गरेपनि त्यसको साँवा व्याज नपाएको बताएका हुन् ।
राजभण्डारीले २०७० सालको निर्वाचनमा आफुलगायत पुरुषोत्तम शाही र कमला शर्माबाट अध्यक्षले लिएको ४ करोड ६ लाख रुपैँया अविलम्ब फिर्ता गर्न पार्टी नेतृत्वसँग माग गरेका छन् । उनले अध्यक्ष थापा, बरिष्ठ नेताहरु पशुपति शंम्सेर राणा, लोकेन्द्र बहादुर चन्द, पार्टी उपाध्यक्षहरु, महामन्त्री र पार्टी पदाधिकारीहरुलाई सम्बोधन गर्दै आफुबाट लिएको १ करोड ५३ लाख, पुरुषोत्तम शाहीबाट लिएको ५० लाख, कमला शर्माबाट लिएको २३ लाखसहित जोड्दा ४ करोड ६ लाख रुपैयाँ लिन बाकी रहेको बताए ।
उनले यो बाहेक पार्टीलाई दिएको लाखौं रुपैयाँ चन्दा, अनुदान र गाडी किनेको खर्च त्यसमा नजोडेको बताएका छन् । त्यस्तै भण्डारीले पार्टी कार्यलयका लागि काठमाडौको धुम्बाराहीमा उपलव्ध गराएको जग्गा, त्यसमा बनाइएको भवनको खर्च समेत नपाएको लिखित रुपमै बैठकमा राखेका छन् ।नेता भण्डारीले उक्त भवन बनाउन २ करोड ५९ लाख लागेको र सो रकम पार्टीले फिर्ता गर्ने भद्र सहमति भएपनि त्यसबापत ३० लाखमात्र फिर्ता गरिएको जनाएका छन् । बाँकी रकम आफुले सहकारीबाट ऋण लिएको र त्यसको अझै आफुले व्याज तिरिरहेको उनको भनाई छ । राजभण्डारीलाई २०७१ साल साउन १९ गते तत्कालिन राप्रपा नेपालले कारवाही गरेको थियो ।
पार्टीले कारवाही गरेपछि राप्रपा नेपाल समानान्तर गठन गरेर पार्टीका गतिविधि सञ्चालन गरेका उनी राप्रपामा विलय हुँदै पार्टी एकीकरणपछि पुन थापा नेतृत्वको पार्टीमा सहभागि बनेका हुन् ।
बिहीबार, मंसिर १८, काठमाडौँ । जेनजी प्रदर्शनका क्रममा ‘आपराधिक गतिविधि’मा संलग्न भनिएका व्यक्तिहरूका मुद्दा फिर्ता
मंसिर १७, काठमाडौँ — उज्यालो नेपाल पार्टीकी केन्द्रीय सदस्य रीमा विश्वकर्माले निष्ठा, इमान्दारिता र परिवर्तनमुखी
मंसिर १७, काठमाडौं। सहरी विकास, ऊर्जा, जलस्रोत तथा सिँचाइ, र भौतिक पूर्वाधार तथा यातायातमन्त्री कुलमान
मङ्सिर १६, मंगलबार । राष्ट्रिय ज्येष्ठ नागरिक महासङ्घले सामाजिक सुरक्षा भत्ता वृद्धि सहित ज्येष्ठ नागरिकमैत्री
१५ मंसिर २०८२, सोमबारनेपालमा सरकारी सेवा लिन चाहने जनसाधारणको अनुभव झनै निराशाजनक बन्दै गएको छ।
काठमाडौँ, मङ्सिर १४ गते । नेपाल विद्युत प्राधिकरणको अगुवाइमा सङ्खुवासभाको भोटखोला गाउँपालिकामा निर्माण हुने एक हजार