२९ जेठ, काठमाडौं । काठमाडौं महानगरपालिकाले पुनर्निर्माणका क्रममा रहेको रानीपोखरीलाई परिस्कृत डिजाइनमा बनाउने भएको छ ।
पुनर्निर्माण सुरु भएको १८ महिना भइसक्यो तर, गति निकै सुस्त छ । रानीपोखरीको मध्य भागमा रहेका बालगोपालेश्वर मन्दिर पुर्निर्माणमा भएको विवादले पनि केही समस्या भयो । तर, अब ‘फाइनल डिजाइन’ तयार भएको छ ।
महानगरपालिकाले यसअघि पनि रानीपोखरीको डिजाइन तयार पारेको थियो । तर, विभिन्न पक्षको सुझावलाई समट्दै फाइनल कन्सेप्ट बनाइएको छ । महानगरका भौतिक पूर्वाधार महाशाखा प्रमुख उत्तरकुमार रेग्मीको नेतृत्वमा डिजाइन फाइनल गरिएको हो ।
यसकै आधारमा रानीपोखरीको पुनर्निर्माण अघि बढ्ने महानगरका कार्यकारी अधिकृत ईश्वरराज पौडेलले बताए ।
नयाँ डिजाइन अनुसार रानीपोखरीमा शान्ति बाटिकासमेत समेटिनेछ । रानीपोखरीको ऐतिहासिकतालाई जोगाउँदै सुन्दर र हरियाली पार्कका रुपमा विकास गर्ने गरी निर्माण अघि बढ्ने रेग्मीले बताए ।
नयाँ डिजाइनअनुसार काम गर्न अब करिब १० करोड रुपैयाँ खर्च हुनेछ । अहिले ७ करोड रुपैयाँको ठेक्का लागेर काम भइरहेको छ । अबको एक वर्षभित्र रानीपोखरीलाई नयाँ डिजाइन अनुसार ब्यवस्थित गरिसक्ने रेग्मीले बताए ।
रानीपोखरीमा रंगीन ‘म्युजिकल वाटर फाउन्टेन’ तयार गरिनेछ । रानीपोखरी पार्कमा परिणत भएपछि साँझमा समय बिताउने पार्कको अभाव हट्ने महानगरको विश्वास छ । साथै रानीपोखरी वरिपरि बगैंचा र त्यसलाई घेरेर फुटपाथ बनाइनेछ ।
शान्ति बाटिकामा एउटा छेउमा रेष्टुरेन्टसहितको कफी सप हुनेछ । त्यसमा साना सेमिनारहरु गर्न मिल्ने स्थानको विकास गरिनेछ । पार्कमा बसेर साना कार्यक्रम गर्न सकिने गरी दुई वटा स्थान तयार गरिने रेग्मीले बताए ।
शान्ति बाटिकाभित्र साना बालबच्चा खेल्न मिल्ने प्लेग्राउण्ड पनि राखिनेछ । मन्दिरको बिपरित दिशामा सानो वाटर फाउन्टेन राखिनेछ । योसँगै पार्कमा आकर्षक लाइटहरु राखिने छ । चौबीसै घण्टा लाइनको व्यवस्था हुनेछ ।
रानीपोखरीलाई पार्कमा परिणत गरेपछि सर्वसाधारणका लागि खुला गरिनेछ । अहिले तिहार र छठ बाहेकको समयमा रानीपोखरीमा प्रवेश गर्न पाइँदैन । पानीको फोहोरा मात्र होइन, पोखरी वरिपरीको भागसमेत विभिन्न कलरको लाइटले सजाइनेछ ।
उनले राजधानी आएपछि घुम्नैपर्ने स्थलका रुपमा रानीपोखरीलाई परिणत गर्ने रेग्मीले बताए । ‘यसको पुनर्निर्माणबारे बारम्बार चासो ब्यक्त भइरहेको छ’ रेग्मीले भने, ‘अब रानीपोखरी कस्तो बन्छ भन्ने कुरा निश्चित भयो । काम अब तीब्र गतिमा हुन्छ ।’
अन्लाइन खबरबाट
वैशाख १७, काठमाडौँ। सरकारले तोकेको न्यूनतम पारिश्रमिक नदिने उद्योग र प्रतिष्ठानको सङ्ख्या छ प्रतिशतले बढेको
वैशाख १०,ललितपुर । प्रधानमन्त्री तथा नेकपा (माओवादी केन्द्र) का अध्यक्ष पुष्पकमल दाहाल ’प्रचण्ड’ ले चुनौतीहरू भए
वैशाख २, काठमाडौँ । प्रधानमन्त्री पुष्पकमल दाहाल ‘प्रचण्ड’ले विद्यालय जाने उमेरका बालबालिकालाई पायक पर्ने विद्यालयमा भर्ना
तुलसीपुर (दाङ), चैत २२ गते । लुम्बिनी प्रदेश सरकारका मुख्यमन्त्री डिल्लीबहादुर चौधरीले आज विश्वासको मत लिनुहुने
काठमाडौं, चैत २१ गते। शिक्षा, विज्ञान तथा प्रविधिमन्त्री सुमना श्रेष्ठले माध्यामिक शिक्षा परीक्षा (एसईई)बाट वञ्चित
चैत ७,काठमाडौँ। सर्वोच्च अदालत परिसरबाट सोमबार अत्याधुनिक हतियारसहित पक्राउ परेका दुई जनालाई पाँच दिन हिरासतमा राख्न