२९ बैशाख काठमाडौं । बैशाख ३१ गते चुनावका दिन पर्यटकलाई सेवा दिनको लागि नेपाल टुरिजम बोर्डले उपत्यकामा बस सेवा सञ्चालन गर्ने भएको छ ।
नेपाल टुरिजम बोर्डका प्रवक्ता शरद प्रधानका अनुसार पर्यटकलाई आवागमनमा बाधा नपुगोस् भनेर टुरीजम बोर्डले बस सञ्चालन गर्न लागेको हो । सार्वजनिक यातायातका सवारी साधनलाई भाडामा लिएर उक्त दिन बस सञ्चालन गर्न लागिएको प्रधान बताउँछन् ।
उनकाअनुसार बोर्डले चुनावको दिनमा त्रिभुवन अन्तर्राष्ट्रिय विमानस्थलदेखि काठमाडौं र ललितपुरका विभिन्न होटलसम्म पुर्याइदिने तथा ल्याइदिने व्यवस्था गर्न लागेको छ ।
प्रवक्ता प्रधान भन्छन् ‘ पर्यटकको आवागमनमा बाधा नपुगोस् भनेर चुनावको दिन हामी बिहान ५ बजेदेखि बेलुका ६ बजेसम्म बस चलाउने छौ ।’
बोर्डले यो सेवा पर्यटन प्रहरीसँग सहकार्य गरेर गर्न लागेको छ । यो सेवा लिनको लागि सिधै ११४४ मा फोन गरि बस सञ्चालनको जानकारी समेत लिन सक्ने जनाएको छ ।
बोर्डले चुनावको दिनमा तीन रुटमा बस सञ्चालन गर्न लागेको छ । रुट एक अन्र्तगत एयरपोर्टदेखि एनएससी- न्युरोड- होटल अन्नपूर्ण-होटल याक एण्ड यति-ठमेल चोक लैनचोर चौक-होटल शंकर हुँदै एयरपोर्टसम्म बस सञ्चालन हुनेछ ।
त्यस्तै रुट दुई अन्र्तगत भने एयरपोर्टबाट होटल सांग्रिला- नारायण गोपाल चोक- महाराजगञ्ज चोक-हृयात रिजेन्सी-चावाहिल चोक-होटल द्वारिका हुँदै पुन एयरपोर्टसम्म पुग्ने टुरिजम बोर्डले जनाएको छ ।
त्यस्तै रुट तीन अन्र्तगत भने एयरपोर्टदेखि तीनकुने- होटल एभरेष्ट- माइतीघर होटल-हिमालय सेन्ट जेभियर्स- स्कुल होटल- सोल्टी ग्राण्ड होटल हुँदै एयरपोर्टसम्म बस सञ्चालन हुनेछ ।
काठमाडौं, असोज ४ । काठमाडौं उपत्यकामा रात्रिकालीन यातायात सेवालाई थप सहज र सुरक्षित बनाउने उद्देश्यले उपत्यकाका
असोज, ३ काठमाडौं। नेपाल ट्रेड युनियन महासंघ (जिफन्ट)ले भोटेकोशी र त्रिशूली नदी क्षेत्रमा आएको विनाशकारी
काठमाडौँ, भदौ २२ गते । नेपाल क्यासिनो एसोसिएसनले भोटेकोशी बाढीपीडितका लागि ८५ लाख २३ हजार
काठमाडौं, भदौ १९ गते । नेकपा (एमाले) का अध्यक्ष एवं पूर्वप्रधानमन्त्री केपी शर्मा ओलीले
काठमाडौँ, भदौ १६ गते । प्रधानमन्त्री वालेन्द्र शाहले रसुवाको भोटेकोशी नदीमा आएको विनाशकारी बाढीबाट
पीपुल नेपाल सम्बादाता भाद्र १४, काठमाडौँ । भोटेकोशीमा गत बुधबार बिहान आएको विनाशकारी बाढीपछि सम्पर्कविहीन
