स्वर्गद्वारी यातायात सेवा प्रा.लि.ले भारतीय नम्बर प्लेटको फोर्स सानो बसलाई नेपाली भूमिमा अवैध रुपमा भन्सार कार्यालय यात्रु सेवाको अगाडि बसपार्कमा राखिएकोमा ट्राफिक प्रहरीको सक्रियतामा हटाइएको छ । उक्त प्रा.लि.ले अवैध रुपमा बसपार्क मात्र संचालनमा ल्याउनुको साथै सडक छेउमैं टिकट काउण्टर समेत स्थापना गर्दा पनि सरोकारवाला निकाय भने अहिलेसम्म मौन देखिएको छ । उक्त प्रालिले भारतीय नम्बर प्लेटको मिनि बस प्रयोगमा ल्याई चण्डीगढ, सिमला लगायतको हिमाचल प्रदेशसम्मको टिकट शुल्क लिई अवैध रुपमा सेवा संचालनमा ल्याएको थियो ।
अवैध रुपमा नेपाली भूमिमा भारतीय नम्बर प्लेटका मिति बसहरुको विषयमा जानकारी पाएपछि बिहिबार जिल्ला ट्राफिक प्रहरीले असईको नेतृत्व टोली खटाई करिब एक दर्जनभन्दा बढी बसहरुलाई भारततर्फ फिर्ता पठाएको छ । भन्सार कार्यालय यात्रु शाखाको हातामा अवैध रुपमा खोलिएको बसपार्कमा राखिएका अधिकांश बसहरुको भन्सार राजस्व समेत नकाटेको समेत भेटिएको थियो ।
अवैध रुपमा नेपाली भूमिको प्रयोग गर्दै बसपार्कमा राखिएको बसहरुले भन्सार छल्ने लगायत नेपाली यात्रुहरुलाई ढग्ने समेत गुनासो आएको कारण ट्राफिक प्रहरीमा हरकतमा आएको बुझिएको छ । ट्राफिक प्रहरीले अवैध रुपमा राखिएको बसलाई भारततर्फ फिर्ता पठाएको भने अवैध रुपमा राखिएको टिकट काउण्टर हटाउने विषयमा कसले चासो राख्ने भन्ने विषयमा अहिलेसम्म कहि कतैबाट कुनै चासो देखाएको भने छैन ।
भन्सार कार्यालय यात्रु शाखाको अगाडि आफ्नै हातामा अवैध रुपमा भारतीय नम्बर प्लेटका मिनि बसहरु पार्क गरी राख्दा भन्सार कार्यालयको काममा समेत कठिनाई भइरहेको कर्मचारीहरुले बताए ।
भन्सार कर्मचारी भन्छन्–‘हामी भित्रै हुन्छौं, बाहिर बस राखिन्छ । तर यसको लागि सम्बन्धित प्रहरी निकायले चासो लिनु पर्ने हो । –
अहमदावाद, भारत — भारतको अहमदावादमा जुन ४ देखि ८, २०२६ सम्म सम्पन्न प्रथम विश्व योग च्याम्पियनसिपमा
काठमाडौँ, जेठ २८ । संयुक्त ट्रेड युनियन समन्वय केन्द्र (जेटियुसिसी) का अध्यक्ष विनोद श्रेष्ठले नेपालमा
अधिवक्ता तारा निधि पन्त नेपालको अर्थतन्त्रमाथि छाया अर्थतन्त्र (Shadow Economy) को प्रभाव दिनप्रतिदिन गहिरिँदै गएको
काठमाडौँ, वैशाख ३१ । सरकारले संघीय मन्त्रालयको संख्या २२ बाट घटाएर १८ कायम गर्ने निर्णय
काठमाडौँ, वैशाख २५ । अख्तियार दुरूपयोग अनुसन्धान आयोगले गुणस्तर तथा नापतौल कार्यालय वीरगञ्जका तत्कालीन वरिष्ठ
वैशाख १८, काठमाडौँ। सर्वोच्च अदालत ले ट्राफिक नियम उल्लंघनका नाममा सवारी चालकको लाइसेन्स, ब्लुबुक वा
