काठमाडौं – ‘राप्रपासँग मेरो बैचारिक, राजनीतिक र दार्शनिक रुपमा कैयौँ मतभेदहरु छन् । तर किन–किन राप्रपा भनेपछि नजिक नजिक जस्तो लाग्छ, मिलौं मिलौँ जस्तो लाग्छ, कता हो कता भावनाले छुन्छ, सहकार्य गरौँ गरौँ लाग्छ, टाढा नजानुहोला ।’
नेकपा माओवादी केन्द्रका अध्यक्ष समेत रहेका प्रधानमन्त्री पुष्पमकल दाहाल प्रचण्डले राप्रपाको गत फागुन ८ गते एकताको महाधिवेशनको उद्घाटन कार्यक्रममा भनेका शब्द हुन् यी ।
यस्तो भनाई राखेको झन्डै २ सातापछि प्रधानमन्त्री प्रचण्डले सरकारमा राप्रपालाई ठूलो उपहार दिएर सरकारमा भित्राएका छन् । उनले उपप्रधानमन्त्री सहित आफ्नो पार्टीका नेतृत्वमा रहेको संघीय मामिला तथा स्थानीय विकास मन्त्रालय सुम्पेका छन् ।
अघिल्लो केपी शर्मा ओली नेतृत्वको सरकारमा समेत सोही मन्त्रालय सम्हालेका राप्रपा अध्यक्ष थापा प्रचण्ड सरकारमा पनि नै भित्रिएका छन् ।
राजनीतिको तरकारीका आलु : जे मा पनि ठिक्क
राप्रपा अध्यक्ष कमल थापालाई राजनीतिका खेलाडी भन्दा पनि जुन तरकारीमा मिसाउदा पनि मिल्ने आलुका रुपमा विश्लेषकहरुले लिने गर्छन् । २०६१ सालमा तत्कालीन राजा ज्ञानेन्द्रको सरकारमा गृहमन्त्री बनेर जनआन्दोलन दमन गरेका थापा संघीय गणतन्त्रको कार्यान्वयन गर्ने क्षणमा तत्कालीन बिद्रोहीका कमान्डर प्रचण्ड नेतृत्वको सरकारमा उपप्रधानमन्त्री बनेका छन् ।
राप्रपा भित्रकै कतिपय नेताहरु भने उनलाई ‘अवसरबाद’को राजाको रुपमा लिन्छन् । राप्रपा नेपालमा छँदा पार्टीका लागि त्याग गरेका पूराना नेताहरुलाई लात हानेर एन्फाको भष्ट्राचारमा चुर्लुम डुबेका आफ्नै भाईलाई सभासद बनाएका थिए ।
नयाँ संविधान जारीपछि गत बर्ष असोजमा बनेको केपी शर्मा ओली नेतृत्वको सरकारमा समेत उपप्रधानमन्त्री सहित परराष्ट्र मन्त्री बनेका थापा सोही सरकार ढालेर बनेको दोश्रो सरकारमा समेत उही हैसियतमा प्रवेश गर्नु कुनै संयोग थिएन।
सत्ता टिकाउने कडी
एमालेले थालेको मेची महाकाली अभियानका क्रममा सप्तरीमा भएको घटनामा ४ जना मधेसी मारिएपछि सरकारलाई समर्थन गरेको मधेसी मोर्चाले सरकारलाई आफ्नो माग पूरा गर्न ७ दिने अल्टिमेटम दिँदै सरकारबाट बाहिरिने चेतावनी दिएको छ । सरकारका लागि यो एउटा आँउदै गरेको भूकम्प हो । भूकम्पको पूर्वसंकेतको दुईपछि नै प्रधानमन्त्री प्रचण्डले सत्ताको अंगगणितमा आफूतिरै पल्ला भारी पार्न राप्रपालाई सरकारमा भित्राएको बुझ्न गाह्रो पर्दैन । राप्रपा सरकारमा आएसँगै सरकारको अंकगणित बलियो भएको छ । सरकारलाई चाहिने २ तिहाई समर्थन अर्थात २ सय ९८ मत अब सुरक्षित भएको छ । अब नेपाली कांग्रेससँग १ सय ९६, माओबादी केन्द्र ८०, राप्रपा ३७, नेकपा संयुक्त ३, अखण्ड नेपाल १, समाजबादी जनता पार्टी १ गरेर सरकारको समर्थनमा ३ सय १८ मत दायाँबायाँ नहुने भएको छ ।
संविधान संसोधनको ढोका खोल्दै
सरकारको लागि टाउको दुखाईको महत्वपूर्ण विषय संविधान संसोधन पनि एक हो । संशोधनका लागि सरकारलाई अंक नपुगिरहेको बेला राप्रपा अध्यक्ष थापा सरकारमा जानुको रणनीतिक महत्व रहेको छ । संविधान संसोधनको विपक्षमा रहेको राप्रपा संसोधन प्रक्रियामा जाने सहमतिका साथ उपप्रधानमन्त्री लिएको स्पष्ट छ । राप्रपा नेपाल र राप्रपाको एकीकरणपछि उक्त पार्टीको ३७ सिट भएको छ । जसले संविधान संशोधन प्रक्रियामा बहुमत ल्याउनका लागि ढोका खोलको छ ।
दुधको साक्षी बिरालो : संघीयताविरोधी नै संघीय मामिला मन्त्री
कमल थापा यस्ता ब्यत्ति हुन् जसले शूरुमा संविधानसभाको नै बिरोध गरे । बिरोध गर्दै पहिलो संविधान सभाको चुनावमा प्रत्यक्षतर्फ एक सिट पनि नजिती समानुपातिक तर्फको मतबाट ४ सिट निकालेर तत्कालीन राप्रपा नेपाल संविधान सभामा प्रवेश गरेको थियो ।
दोश्रो संविधान सभा निर्वाचनमा पनि एक सिट नल्याएको राप्रपा नेपालले समानुपातिक मतबाटै २४ सिट हासिल गरेको थियो ।
निरन्तर रुपमा संघीय प्रणालीको बिरोध गर्दै आइरहेका थापा यतिबेला संघीयता कार्यान्वयन गर्ने मन्त्रालयमै पुगेका छन् । रोचक बिषय अब संघीयता विरोधीले नै संघीयता कायम गराउन अग्रसर हुने भए ।
काठमाडौँ, साउन ११ गते । बैंक तथा वित्तीय संस्थाको पुँजीकोषमा परेको दबाब व्यवस्थापन गर्न नेपाल
सौर्य एयरलाइन्सकाे जहाज दुर्घटना । काठमाडौँ, साउन ९ गते । काठमाडौँबाट पोखराका लागि उडेको जहाज आज
साउन ७,काठमाडौँ। अर्थमन्त्री विष्णुप्रसाद पौडेलले अहिलेको अभावलाई सम्बोधन गर्नेगरी मौद्रिक नीति आउने बताउनुभएको छ ।
काठमाडौँ, साउन २ गते। राष्ट्रपति रामचन्द्र पौडेलले वरिष्ठ अधिवक्ता रमेश बडाललाई महान्यायाधिवक्ता नियुक्त गर्नुभएको छ। राष्ट्रपति
असार २८, काठमाडौँ। प्रतिनिधिसभामा प्रधानमन्त्री पुष्पकमल दाहाल ‘प्रचण्ड’ले विश्वासको मत नपाएपछि राष्ट्रपति रामचन्द्र पौडेलबाट नयाँ सरकार
असार २३, काठमाडौँ। नेपाल राष्ट्र बैङ्कका गभर्नर महाप्रसाद अधिकारीले युवालाई उत्पादन र उद्यमसँग जोड्न विशेष कार्यक्रम
