January 22, 2017
January 22, 2017
काठमाडौं माघ ८, पछिल्लो ५ महीनाको विवरणअनुसार बैङ्क तथा वित्तीय संस्थाहरूको कर्जा प्रवाह अनुत्पादक क्षेत्रमा बढी भएपछि अर्थमन्त्री कृष्णबहादुर महराले उत्पादनशील क्षेत्रमा लगानी बढाउनुपर्ने बताएका छन् । कृषि विकास बैङ्कको स्वर्ण जयन्तीको अवसरमा शुक्रवार मन्त्री महराले शहरी क्षेत्रमा मात्र नभई ग्रामीण क्षेत्रमा कर्जा प्रवाह बढाउनुपर्नेमा जोड दिएका हुन् । उनले ग्रामीण क्षेत्रमा वित्तीय पहुँच पुर्याउने सरकारी लक्ष्यमा बैङ्कहरूलाई साथ दिन आग्रह गरेका छन् । सस्तो प्रतिस्पर्धामा आधारित नभई बैङ्कहरू अन्तरराष्ट्रिय वित्तीय मापदण्ड अवलोकन गरी अगाडि बढ्नुपर्ने उनले बताए ।वित्तीय कारोबारका दृष्टिकोणले उत्पादनको क्षेत्रमा कर्जा प्रवाह गर्ने र ग्रामीण क्षेत्रका बासिन्दाको जीवन उकास्ने काममा कृषि विकास बैङ्कको महत्त्वपूर्ण भूमिका छ । बैङ्कले निष्कासन गरेको भिसा कार्डले बैङ्क आधुनिकीकरणतर्फ अगाडि बढिरहेको सङ्केत गर्दछ ।
सो अवसरमा बैङ्कका प्रमुख कार्यकारी अधिकृत लीलाप्रकाश सिटौलाले बैङ्कले हालसम्म सवा ७ खर्बभन्दा बढी निक्षेप सङ्कलन गरी साढे ६ खर्बभन्दा बढी कर्जा प्रवाह गरिसकेको बताए । बैङ्कको आधार ब्याजदर धेरै माथि रहेको र ५५ शाखा पुनः सञ्चालन गर्नुपर्ने उनको भनाइ छ । बैङ्कका १० लाख निक्षेपकर्ता र पौने २ लाख शेयरधनी रहेको जानकारी उनले दिए । यसले कृषि विकास बैङ्क साँच्चै ग्रामीण क्षेत्रमा बस्ने जनताहरूमा पुग्न सफल बैङ्क भएको उनले बताए ।
गणेश यादवको मृत्यु एउटा परिवारको शोक मात्र होइन। त्यो नेपालको लोकतन्त्र, समाज र राज्यका लागि
काठमाडौं, १४ साउन। प्रधानमन्त्री तथा मन्त्रिपरिषद्को कार्यालय, सिंहदरबारमा राष्ट्रिय सुरक्षा परिषद्को बैठक बसिरहेको छ। प्रधानमन्त्रीको
काठमाडौं, ३१ असार २०८३। नक्कली भुटानी शरणार्थी प्रकरणमा दोषी ठहर भएका व्यक्तिहरूलाई काठमाडौं जिल्ला अदालतले
राइडर्स युनियनको प्रश्न– ‘समस्या नीतिमा छ, तीन ट्राफिकमाथिको छानबिनले मात्र समाधान हुँदैन’ काठमाडौं, असार २६
काठमाडौं, असार २६ । काठमाडौंको त्रिपुरेश्वरस्थित राहदानी विभागअगाडि राइड सेयरिङ चालक गणेश नेपालीले आत्मदाहको प्रयास गरेपछि
काठमाडौँ, असार २३ गते । उद्योग, वाणिज्य तथा आपूर्तिमन्त्री गौरीकुमारी यादवले सैनिक सामग्री उत्पादन निर्देशनालयमार्फत
