पुस २७, काठमाडौं । राष्ट्रिय स्वतन्त्र पार्टी (रास्वपा) र उज्यालो नेपाल पार्टीबीचको एकता भङ्ग भएसँगै प्रतिनिधिसभा समानुपातिकतर्फको बन्दसूचीमा अन्योल देखिएको छ। एकता हुँदा उज्यालो नेपालका उम्मेदवारसमेत समेटेर रास्वपाले समानुपातिक सूची निर्वाचन आयोगमा बुझाएको थियो। तर, एकता टुटेपछि कतिपय नेताले रास्वपाबाट नाम फिर्ता लिने र उज्यालो नेपालमै फर्किने निर्णय गरेका छन्।
रास्वपाले आइतबार समानुपातिक सूची अद्यावधिक गर्दा यसअघि उज्यालो नेपालतर्फबाट सूचीमा परेकी रिमा विश्वकर्माको नाम यथावत् राखिएको बुझिएको छ। पार्टी एकता भङ्गपछि उज्यालो नेपालले गरेको पत्रकार सम्मेलनमा उनी सहभागी नभएकी थिइन्। उज्यालो नेपालका एक केन्द्रीय सदस्यका अनुसार रिमा पार्टी बैठकमा उपस्थित भए पनि छोटो समयमै फर्किएकी थिइन्। स्रोतका अनुसार रिमा रास्वपाको बन्दसूचीबाट नाम फिर्ता नलिने पक्षमा छिन्।
त्यस्तै, उज्यालो नेपाल पार्टीबाट रास्वपाको समानुपातिक सूचीमा परेका डा. अभिषेक राज सिंहले पनि नाम फिर्ता नगर्ने संकेत गरेका छन्। उनले आफू छलफलमै रहेको बताए पनि स्रोतका अनुसार उनी रास्वपामै रहने सम्भावना बलियो छ। उनको नाम रास्वपाको समानुपातिक सूचीमा मधेसी कोटाको चौथो नम्बरमा छ।
यता, उज्यालो नेपाल पार्टीबाट रास्वपाको बन्दसूचीमा परेका त्रिशला गुरुङ र महेन्द्र लावतीले यसअघि नै नाम फिर्ता लिने घोषणा गरिसकेका छन्। तुलसा वाइवा, सोमप्रसाद चौधरी लगायतले पनि रास्वपाको समानुपातिक सूचीबाट नाम फिर्ता लिएर उज्यालो नेपालमै रहने बताएका छन्।
उज्यालो नेपाल पार्टीका तत्कालीन अध्यक्ष अनुप उपाध्यायले पनि रास्वपाको सूचीबाट नाम निकाली पार्टीमै फर्किएका छन्। हाल उनले अध्यक्षको जिम्मेवारी कुलमान घिसिङलाई सुम्पेर संरक्षकको भूमिका सम्हालेका छन्।
काठमाडौं, १८ वैशाख । नेपाल ट्रेड युनियन महासङ्घ (जिफन्ट) ले अन्तर्राष्ट्रिय श्रमिक दिवस (मे डे) का
वैशाख १८, काठमाडौँ। सर्वोच्च अदालत ले ट्राफिक नियम उल्लंघनका नाममा सवारी चालकको लाइसेन्स, ब्लुबुक वा
काठमाडौँ, वैशाख १७ । सार्वजनिक पदमा रहेका तथा सेवा निवृत्त उच्च पदाधिकारीको सम्पत्ति छानबिन गर्न
काठमाडौँ, वैशाख १४ । सवारी चालक अनुमतिपत्र (क्यूआरयुक्त ड्राइभिङ लाइसेन्स) छापिएको वा नछापिएको अवस्था अब
काठमाडौँ, १३ वैशाख २०८३।सर्वोच्च अदालत को संवैधानिक इजलासले १५ प्रतिशत वा सोभन्दा बढी सेयर स्वामित्व
वैशाख १०, २०८३। संविधान संशोधनसम्बन्धी बहसपत्र तयार गर्ने कार्यदलको बैठक सिंहदरबारस्थित प्रधानमन्त्री तथा मन्त्रिपरिषद्को कार्यालयमा
