नेपालमा लगानी गर्न कुनै अवरोध छैन : प्रधानमन्त्री ओली

काठमाडौँ, भदौ ३ । प्रधानमन्त्री केपी शर्मा ओलीले नेपालमा लगानी तथा उद्यम गर्न कुनै अवरोध नरहेको बताएका छन्।

भृकुटीमण्डपमा आयोजित १७ औँ नाडा अटो शोको उद्घाटन गर्दै प्रधानमन्त्री ओलीले विज्ञान, अनुसन्धान र प्रविधिको विकाससँगै नेपालले पनि ती उपलब्धिहरूको सहज उपभोग गर्ने वातावरण बनाइरहेको बताए।

उनीहरूले युवालाई नयाँ ढङ्गले काम गर्न सरकारबाट आवश्यक सहयोग उपलब्ध गराइने विश्वास दिलाए। “अग्रगमन र आधुनिकीकरणका लागि आवश्यक नीतिगत व्यवस्था र पूर्वाधार विकास गरेका छौँ। लगानी र काम गर्न कुनै बाधा छैन,” प्रधानमन्त्री ओलीले भने।

उनका अनुसार उत्तर र दक्षिणतर्फ नयाँ र पक्की सडक मार्ग निर्माण भइरहेको छ भने अन्तर्राष्ट्रिय विमानस्थल थपिएका छन्। उनले हरित उर्जा, मिथेन ग्यास र धौवादी फलामको उत्पादन तथा प्रयोग सुरु भइसकेको उल्लेख गर्दै प्रविधिको रूपान्तरण विकास र समृद्धितर्फको मार्ग हो भन्नेमा जोड दिए।

प्रधानमन्त्री ओलीले उद्यमी तथा लगानीकर्ताहरुलाई ढुक्कसँग अघि बढ्न र देशको विकासका लागि योगदान दिन आह्वान गर्नु भएको छ ।।