बिर्तामोड, साउन ११ गते। झापामा पछिल्लो दुई आर्थिक वर्षमा कुल १७० जनाले नेपाली नागरिकता परित्याग गरेका छन्। जिल्ला प्रशासन कार्यालय, झापाका अनुसार आर्थिक वर्ष २०८०/८१ मा १०८ जना र २०८१/८२ मा ६२ जना नेपालीले नागरिकता परित्याग गरेका हुन्।
उनीहरूले गैरआवासीय नेपाली (एनआरएन) नागरिकता प्राप्त गर्नका लागि नेपाली नागरिकता त्यागेको कार्यालयले जनाएको छ। अन्तर्राष्ट्रिय कानुनी प्रावधानअनुसार गैरआवासीय नागरिकता प्राप्त गर्न पहिला आ–आफ्नो मातृदेशको नागरिकता त्याग गर्नुपर्ने व्यवस्था छ।
यसै अवधिमा, जिल्ला प्रशासन कार्यालय झापाले वंशजका आधारमा २२,०४० र वैवाहिक अङ्गीकृतमार्फत ६७५ गरी कुल २२,७१५ नयाँ नागरिकता प्रमाणपत्र वितरण गरेको छ। कार्यालयका सूचना अधिकारी तथा सहायक प्रमुख जिल्ला अधिकारी तेजप्रकाश प्रसाईँका अनुसार सोही अवधिमा २२,४५५ जनाले नागरिकताको प्रतिलिपि लिएका छन्।
त्यसैगरी, कार्यालयले २२,४३२ वटा राहदानी, ७८९ वटा नाबालक परिचयपत्र तथा १ लाख ७ हजार ७२ जनाको राष्ट्रिय परिचयपत्रका लागि विवरण सङ्कलन गरेको छ। हालसम्म जिल्लामा ३ लाख ५५ हजार ५ वटा राष्ट्रिय परिचयपत्र वितरण भइसकेको कार्यालयले जानकारी दिएको छ।
संस्थागत कार्यसम्पादनको सन्दर्भमा, १ वर्षको अवधिमा ७८ वटा संस्था दर्ता, ७२१ संस्था नवीकरण, ५२९ जात प्रमाणित तथा अन्य प्रशासनिक सेवा दिइएको छ। यसै अवधिमा कार्यालयले १९ जना प्रकोप पीडित (जसमध्ये ५ जना मृतक) लाई १ करोड १९ लाख ९० हजार रुपैयाँ राहत वितरण गरेको छ भने १०९ वटा हतियार नवीकरण गरिएको छ।
कार्यालयद्वारा अभद्र व्यवहारसम्बन्धी २७ वटा, सवारी ज्यान क्षतिपूर्तिसम्बन्धी १८ वटा र झुटा अफवाहसम्बन्धी १ वटा मुद्दा फर्स्यौट गरिएको छ। प्रशासन कार्यालयले २०८१/८२ को अवधिमा कुल ११ करोड २१ लाख २८ हजार २२६ रुपैयाँ राजस्व संकलन गरेको पनि जानकारी दिएको छ।
काठमाडौं, असोज ४ । काठमाडौं उपत्यकामा रात्रिकालीन यातायात सेवालाई थप सहज र सुरक्षित बनाउने उद्देश्यले उपत्यकाका
असोज, ३ काठमाडौं। नेपाल ट्रेड युनियन महासंघ (जिफन्ट)ले भोटेकोशी र त्रिशूली नदी क्षेत्रमा आएको विनाशकारी
काठमाडौँ, भदौ ३० गते । महिला तथा बालिकामाथि हुने बलात्कार, यौन हिंसा तथा साइबर अपराध
काठमाडौँ । भदौ २३ र २४ गते भएको आन्दोलन तथा त्यस क्रममा भएका हिंसात्मक घटनालाई
काठमाडौँ, भदौ २२ गते । नेपाल क्यासिनो एसोसिएसनले भोटेकोशी बाढीपीडितका लागि ८५ लाख २३ हजार
-अधिवक्ता तारा निधि पन्त भाद्र २१, काठमाडौं । विवादित ‘ग्रिन आर्मी’ नामक संस्थाको दर्ता खारेज
