दुई विधेयक पारित दुई ऐन संशोधन

 पुस १५, बुटवलबुटवल उपमहानगरपालिकाको चौधौँ नगर अधिवेशन दुई वटा विधेयक पारित र दुई वटा ऐन संशोधन गर्दै सकिएको छ ।

नगर सभाको हिउँदे अधिवेशनको पहिलो बैठकमा प्रस्तुत भएका जलस्रोत उपयोग विधेयक, २०८० र छाडा पशुचौपाया व्यवस्थापन र नियन्त्रण (गौशाला सञ्चालन) विधेयक, २०८० नगर प्रमुख खेलराज पाण्डेयले छलफलपछि सर्वसम्मतिले पारित गरेको जानकारी दिनुभयो ।

सभाले नगर शिक्षा ऐन, २०७४ र नगर स्वास्थ्य ऐन, २०७५ संसोधन गरेको छ भने आवश्यकता अनुसार सङ्गठन संरचना र कर्मचारी दरबन्दीसम्बन्धी प्रस्ताव पारित गरेको छ । सहरी पूर्वाधारतर्फ कामको चाप बढ्दै गएकाले सहरी पूर्वाधार विकास महाशाखा र भवन निर्माण तथा डिजाइन महाशाखा बनाइएको छ भने छुट्टै अनुगमन महाशाखा बनाउने प्रस्ताव पारित भएको छ । बुटवलका दुई वटा वडा ११ र १३ मा जनसङ्ख्या र भूगोललाई मध्यनजर गरी जनशक्ति थप गर्ने गरी पेस भएको प्रस्ताव बैठकले पारित गरेको छ ।

प्रमुख पाण्डेयले कार्यपालिका बैठकबाट भएका निर्णय अनुमोदन र विभिन्न प्रस्ताव पारित गरेको बताउनुभयो । सभाले अर्धवार्षिक समीक्षा गर्दै चालू आर्थिक वर्षका योजना समयमै सम्पन्न गर्न सबै तहबाट काम अगाडि बढाउन निर्देशन दिएको छ । बैठकले आगामी आर्थिक वर्षका लागि बुटवलको आवश्यकता र प्राथमिकता तय गर्दै समानता, स्वाभिमान र अवसर, बस्न योग्य बुटवल सहरको परिकल्पनालाई आत्मसात् गर्ने र सोही अनुसार नीति कार्यक्रम तय गर्ने प्रस्ताव पारित गरेको छ ।

बैठकमा बोल्दै प्रमुख पाण्डेयले बुटवल र बुटवलवासीको भविष्य उज्ज्वल बनाउन सबै जनप्रतिनिधि एकताबद्ध भएर अगाडि बढ्नुपर्ने बताउनुभयो । उहाँले बुटवलले विश्वास गरेर निर्वाचित भएको करिब दुई वर्ष हुनै लाग्दा धेरै प्रतिबद्धता पूरा हुने क्रममा रहेको बताउनुभयो ।

उहाँले चालु आवमा मोतीपुर र बेलबासमा १५/१५ शय्याका अक्सिजन सुविधासहितका दुई वटा अस्पताल सञ्चालनमा ल्याउने जानकारी दिनुभयो । आम्दा अस्पतालको स्तरोन्नति गर्ने र पारा मेडिकल तथा नर्सिङ विषयको कक्षा सञ्चालन हुने बताउनुभयो ।

सिद्धार्थ बाल तथा महिला अस्पताल आम्दामा सुत्केरी हुने महिलाका लागि सबै खालको खर्च निःशुल्क गराउन नगर प्रमुख आमा सुरक्षा कार्यक्रम सञ्चालनको तयारीमा रहेको बताउँदै प्रमुख पाण्डेयले नवजात शिशु र आमाको स्वास्थ्य तथा पोषणमा सुधार ल्याउन जनही दुई हजार रुपियाँका दरले प्रदान गर्ने गरी स्वस्थ शिशु सुत्केरीलाई पोषण कार्यक्रम सञ्चालनमा रहेको जानकारी दिनुभयो ।

उहाँले नगर प्रमुख गृहिणी महिला रोजगार कार्यक्रम सञ्चालन भएको, युवा इलम, महिला उद्यमशीलता कार्यक्रम सञ्चालन भएको उल्लेख गर्दै युवालाई सिप र रोजगारीसँग जोड्ने बताउनुभयो ।

उज्ज्यालो बुटवल कार्यक्रम अन्तर्गत मुख्य मुख्य चोकमा ‘हाइमास्ट लाइट’ तथा भित्री सडक र गल्लीमा ‘स्मार्ट स्ट्रिट लाइट’ जडान तथा सौन्दर्यीकरणको काम अगाडि बढेको र यसले रात्रिकालीन बजार सञ्चालनमा समेत सघाउ पुग्ने बताउनुभयो ।

प्रतिक्रिया दिनुहोस्
सम्बन्धित वर्गका समाचारहरू

महान्यायाधिवक्तामा रमेश बडाल नियुक्त

काठमाडौँ, साउन २ गते। राष्ट्रपति रामचन्द्र पौडेलले वरिष्ठ अधिवक्ता रमेश बडाललाई महान्यायाधिवक्ता नियुक्त गर्नुभएको छ। राष्ट्रपति

यस्तो बन्यो पन्त्रीपरिषद्

असार ३१, काठमाडौँ । राष्ट्रपति रामचन्द्र पौडेलसमक्ष नवनियुक्त प्रधानमन्त्री खड्गप्रसाद ओली (केपी ओली) ले सोमबार

अध्यक्ष ओली आज प्रधानमन्त्रीमा नियुक्त हुँदै

असार ३०,काठमाडौँ । राष्ट्रपति रामचन्द्र पौडेलले सरकार गठनका लागि तोक्नुभएको समयसीमा सकिएपछि आज नयाँ प्रधानमन्त्री नियुक्ति

सत्ता छोड्दैगर्दा एमाले-कांग्रेस लक्षित आक्रोशयूक्त प्रचण्ड भाषणको पुर्णपाठ

असार २८, काठमाण्डौ । माओवादी अध्यक्ष प्रचण्डले सत्ता छोड्दैगर्दा संसदको वैठकमा एमाले कांग्रेस लक्षित आक्रोशयूक्त

आज नेप्से २३ दशमलव २५ अङ्कले बढ्यो

असार २६,काठमाडौँ, । नेपाल स्टक एक्सचेञ्ज (नेप्से) परिसूचक २३ दशमलव २५ अङ्कले बढेको छ ।

‘पीडितमैत्री सङ्क्रमणकालीन न्यायका लागि सरकारलाई जिम्मेवार बनाउन एकजुट हुनुपर्छ’

 असार २४,पाटन (ललितपुर) । पीडितमैत्री सङ्क्रमणकालीन न्यायका लागि सरकारलाई जिम्मेवार बनाउन सबै पक्ष एकजुट हुनुपर्नेमा सरोकार