तलब बृद्धिको माग गदै जिफन्टद्धारा ज्ञापनपत्र पेश

 २४ असार, सुर्खेत नेपाल ट्रेड युनियन महासंघ (जिफन्ट) कर्णाली प्रदेश कमिटीले असार भित्रै “न्यूनतम पारिश्रमिक बृद्धि गर, “जीवनोपयोगी पारिश्रमिक निर्धारण गर” भन्ने नारा सहित श्रम तथा रोजगार कार्यालय कर्णाली प्रदेशका कार्यालय प्रमुख श्री शम्शेर राना मगर मार्फत श्रम, रोजगार तथा सामाजिक सुरक्षा मन्त्रालयलाई आइतबार ज्ञापन पत्र बुझाएको छ ।

जिफन्टले सरकार, रोजगारदाता र ट्रेड युनियन संलग्न न्यूनतम पारिश्रमिक निर्धारण समिति मार्फत सहज रुपमा असारभित्रै पारिश्रमिक बृद्धि गर्नुपर्ने हो, तर वार्ता नै भंग गरी सरकार र रोजगारदाता पछाडि हटेकोले तत्काल श्रमिकलाई जीउन पुग्ने मर्यादित ज्याला बृद्धि गर्न माग राख्दै ज्ञापन पत्र बुझाएको हो ।

हरेक दुई वर्षमा पारिश्रमिक निर्धाण गरिनु पर्नेमा विगत दुई वर्षमा भएको मूल्यबृद्धिलाई आधार मानेर न्यूनतम पारिश्रमिक कायम गरिदै आएको जनाउँदै श्रमिकले धान्नै नसक्ने गरी खाद्यवस्तु, शैक्षिक क्षेत्र, घर भाडा, यातायात भाडा र स्वास्थ्य सेवा लगायतमा मूल्य बृद्धि भएको छ । सबै श्रमिकलाई योगदानमा आधारित सामाजिक सुरक्षा कोषमा आवद्ध गर्न नसकेको कारण मंहगो स्वास्थ्य सेवामा पहुँच पुग्न नसकी उपचार खर्चको अभावमा श्रमिकहरू अकाल मृत्यु स्वीकार गर्न वा रोग पालेर बस्न बाध्य हुनु परेको विज्ञप्तीमा उल्लेख छ । ज्ञापन पत्र बुझाउँदै जिफन्ट प्रदेश अध्यक्ष तेजप्रकाश जिसीले असल श्रम सम्बन्धको अभ्यासलाई कोहीकसैले धमिल्याउन नपाउने र संविधानप्रदतः अधिकार पनि कसैले खोसेर खोस्न नपाउने बताउँदै यथाशीघ्र जीवन धान्न पुग्ने तलब घोषणा गर्न यो दवावमूलक कार्यक्रम स्वरुप ज्ञापन पत्र बुझाएको जनाउनु भयो ।

ज्ञापन पत्र बुझ्दै श्रम तथा रोजगार कार्यालयका कार्यालय प्रमुख शम्शेर राना मगरले जिफन्टले उठाएको माग समय सान्दर्भिक भएको र यसका लागि कार्यालयले सहकार्य, समन्वय गरी श्रमिकहरुको मर्यादित जीवनका लागि कानुनतः कार्यान्वयनमा जोड दिने प्रतिवद्धता व्यक्त गर्नुभयो । दवावमूल कार्यक्रममा जिफन्टमा आवद्ध औपचारिक तथा अनौपचारिक क्षेत्रमा कार्यरत श्रमिकहरुको उपस्थिति रहेको थियो ।

हाम्रो परिश्रम, हाम्रो योगदानलाई राज्यले कदर गर्नुपर्ने श्रमिकहरुले सो अवसरमा माग गरेका छन् । नेपाल ट्रेड यूनियन महासंघ(जिफन्ट) अन्र्तगतका सवै प्रदेश कमिटी र केन्द्रिय घटक संघहरुले आज देशैभरका श्रम कार्यलय र श्रम विभागहरु मार्फत सरकारलाई तलबबृद्धिको माग गर्दै ज्ञापनपत्र बुझाएका छन् ।

प्रतिक्रिया दिनुहोस्
सम्बन्धित वर्गका समाचारहरू

पाँच दशमलव ६० अङ्कले बढ्यो नेप्से परिसूचक

काठमाडौँ, असार ११ गते । नेपाल स्टक एक्सचेञ्ज (नेप्से) परिसूचकमा सामान्य अङ्कको वृद्धि देखिएको छ ।

भ्रष्टाचारकाे आराेप लागेका वैकुण्ठ योजना आयोगमा  गड्तौलालाई निमित्त मुख्यसचिव

 आषाढ १०, काठमाडौं । भ्रष्टाचार मुद्दा लागेपछि स्वतः निलम्बनमा परेका मुख्यसचिव वैकुण्ठ अर्याललाई राष्ट्रिय योजना

संसद्का कर्मचारीको माग वार्ताबाट समाधान गर्नुपर्छ : अध्यक्ष ओली

असार ९,काठमाडौं । नेकपा (एमाले) का अध्यक्ष केपी शर्मा ओलीले सङ्घीय संसद् सचिवालयका कर्मचारीको माग

प्रधानमन्त्री दाहालसँग सिपिपिसिसीका उपाध्यक्ष बातेरको शिष्टाचार भेट

काठमाडौँ, असार २ गते । प्रधानमन्त्री पुष्पकमल दाहाल ‘प्रचण्ड’सँग चिनियाँ जनराजनीतिक परामर्शदाता सम्मेलन (सिपिपिसिसी) का उपाध्यक्ष

विद्यालयमा सीपमूलक तालिमसँगै पढाइ

म्याग्दी,  जेठ ३१ गते ।  बेनी नगरपालिका–४ सिङ्गास्थित धौलागिरि माध्यमिक विद्यालयका विद्यार्थीलाई घरमा रङ लगाउने

भक्तपुरमा ‘प्रथम राष्ट्रिय कानुन शिक्षासम्बन्धी सम्मेलन-२०८१’ सुरु

भक्तपुर, जेठ २५ गते । काठमाडौँ स्कुल अफ ल र मधेस विश्वविद्यालयको आयोजनामा आजदेखि ‘प्रथम राष्ट्रिय