काठमाडौं, भदौ १ ७ गते । गठबन्धन सरकारले दशैको मुखमा नेपाली जनतालाई मार पार्ने गरि फेरी आफ्नो विशेषता झल्काउने काम गरेको छ त्यो भनेको जनताको जनजिविकासँग जोडिएको कुरामा अघात पुर्याउनु हो । त्यो के हो त भन्दा नेपाल आयल निगमको माध्यमबाट जनताको ढाड सेक्नेगरि डिजेल र मट्टीतेलको मूल्य बृद्धि गर्नु । नेपाल आयल निगमले डिजेल र मट्टीतेलको मूल्य लिटरमा ६ रुपियाँले बढाएको छ । बिहीबार साँझ आयल निगमले विज्ञप्ति सार्वजनिक गर्दै डिजेल र मट्टीतेलको मूल्य बढाएको हो ।
अब डिजेल र मट्टीतेलको मूल्य लिटरको १७८ रुपियाँ पुगेको छ । यसअघि डिजेल र मट्टीतेलको मूल्य प्रतिलिटर १७२ रुपियाँ थियो।
पेट्रोल, खाना पकाउने ग्यास र हवाई इन्धनको मूल्य भने यथावत राखिएको छ ।
