आज काठमाडौंमा आयोजित पार्टी प्रवेश कार्यक्रममा बोल्दै एमाले सदस्यको संख्या बढिरहेको बताए । उनले भने, “अहिले यहाँ बस्दाबस्दै दुई–चार फिट हाइट बढिसकेको छ । अर्थात्, एमालेले हरेक दिन हरेक पल आफ्नो हाइट बढाउँदै गएको छ,”
त्यस्तै कार्यक्रममा बोल्दै ओलीले तराई ठगी खाने भाँडो भएको आरोप लगाएका छन् । उनले भने, ‘द्वन्द्व उद्योग स्थापना गरियो नेपालमा, त्यसलाई एमालेले प्रतिवाद गर्यो ।’ सिङ्गो देश हाम्रो हो, हामीले हाम्रो देशको उन्नति गर्न पाउनुपर्छ भन्ने एमालेको मान्यता रहेको उनको भनाइ छ ।
उनले देशमा काम गर्ने मान्छे नपाएको अवस्थामा युवाहरु विदेशिएको भन्दै युवालाई स्वदेशमै बस्न आग्रह गरे । ‘विदेश जान होइन, देशकै विकासको काम गर्न युवालाई प्रोत्साहित गर्नुपर्छ,’ उनले भने, ‘स्वदेशमै बसौं, स्वदेशकै विकास गरौं । स्वदेशलाई नै समृद्ध बनाऔं । अब विदेश नजाऔं ।’
