पार्टीभित्र देखा परेको समस्या समाधानका विषयमा छलफल गर्न र त्यसका लागि गठित कार्यदललाई वैधानिकता दिन सचिवालय बैठक बोलाइएको नेकपा प्रवक्ता नारायणकाजी श्रेष्ठले जानकारी दिए ।

प्रवक्ता श्रेष्ठसहित वरिष्ठ नेता झलनाथ खनाल र माधव नेपालले सचिवालय बैठक माग गरेका थिए । पार्टी विवादको समाधानका लागि गठन भएको कार्यदलको वैधानिकतामाथि प्रश्न उठेपछि उक्त बैठक डाकिएको हो ।

यसअघि साउन ३ गते बसेको सचिवालय बैठकमा प्रधानमन्त्री समेत रहेका अध्यक्ष ओलीले मंसिरमा अर्ली महाधिवेशन गर्ने प्रस्ताव पेश गरेका थिए । त्यसयता सो बैठक बस्न सकेको थिएन ।