मंसिर ११, काठमाडौँ : काठमाडौँको दुई बैंकबाट किर्ते हस्ताक्षर गरेर दुई बैंकबाट १९ लाख भन्दा बढी चोरी भएको खुल्न आएको छ । काठमाडौँमा स्थित जनता बैङ्क र एनआइसी एसिया बैङ्कबाट १९ लाख ९९ हजार रुपैयाँ चोरी भएको खुल्न आएको हो ।
यस चोरीमा संलग्न ६ जनालाई समेत पक्राउ गरिसकिएको महानगरीय प्रहरी परिसरका प्रवक्ता होविन्द्र बोगटीले जानकारी दिएको छ । चोरी कार्यमा सबै नागरिक नेपाली भएको पाईएको र उनीहरुको नाम आज दिउँसो पत्रकार सम्मेलन गरी नाम सार्वजनिक गर्ने तयारी रहेको प्रहरीले जनाकारी दिएको छ ।
बैंकका कर्मचारीकै संलग्नता चोरी भएको हुन सक्ने आशंका प्रहरीले गरेको छ भने चोरी गरिएको रकम मध्ये १९ लाख १९ हजार रुपैयाँ बरामद भईसकिएको प्रहरीले जानकारी गराएको छ ।
प्रहरीका अनुसार चोरहरुले ‘आफ्नो चेक हराएको भन्दै किर्ते हस्ताक्षरबाट खातावालको नयाँ चेक लिने र त्यही चेकबाट रकम झिक्ने गरेको पाइएको छ । सक्कली खातावालहरुले आफ्नो खाताबाट रकम हराएर प्रहरीमा उजुरी गरेपछी उनीहरुलाई पक्राउ गर्न सफल भएको प्रहरीले जनाएको छ । प्रहरीका अनुसार घटनाबारे अनुसन्धान भईरहेको छ ।
यसअघि बैंकिङ प्रणाली नै ह्याक गरेर करिब डेढ करोड रुपैयाँ चोरी हुँदा यस कार्यमा संलग्न ६ जना चिनियाँ नागरिक पक्राउ गरिएको थियो भने त्यसको लगतै फेरी लहानमा रहेको कृषि विकास बैंकको शाखाबाट दुई करोड रुपैयाँ चोरी भएको थियो । यी दुबै चोरी काण्डमा नेपाली एजेन्ट समातिएका थिए भने यस चोरी काण्डको मुख्य योजनाकार भने अझै पत्तो लाग्न सकेको छैन ।
काठमाडौं, १८ वैशाख । नेपाल ट्रेड युनियन महासङ्घ (जिफन्ट) ले अन्तर्राष्ट्रिय श्रमिक दिवस (मे डे) का
वैशाख १८, काठमाडौँ। सर्वोच्च अदालत ले ट्राफिक नियम उल्लंघनका नाममा सवारी चालकको लाइसेन्स, ब्लुबुक वा
काठमाडौँ, वैशाख १७ । सार्वजनिक पदमा रहेका तथा सेवा निवृत्त उच्च पदाधिकारीको सम्पत्ति छानबिन गर्न
काठमाडौँ, वैशाख १४ । सवारी चालक अनुमतिपत्र (क्यूआरयुक्त ड्राइभिङ लाइसेन्स) छापिएको वा नछापिएको अवस्था अब
काठमाडौँ, १३ वैशाख २०८३।सर्वोच्च अदालत को संवैधानिक इजलासले १५ प्रतिशत वा सोभन्दा बढी सेयर स्वामित्व
वैशाख १०, २०८३। संविधान संशोधनसम्बन्धी बहसपत्र तयार गर्ने कार्यदलको बैठक सिंहदरबारस्थित प्रधानमन्त्री तथा मन्त्रिपरिषद्को कार्यालयमा
