सिंगापुरमा जारी आईसीसी टी–ट्वान्टी विश्वकप छनोटमा कुवेतले जित हात पारेको छ ।
ईण्डियन एसोसियसन क्रिकेट मैदानमा शुक्रबार भएको खेलमा कतारलाई १० रनले पराजित गर्दै कुवेतले पहिलो जित निकालेको हो ।
कुवेतले दिएको १९८ रनको लक्ष्य पछ्याएको कतारले २० ओभरमा ५ विकेट गुमाएर १८७ रन मात्र बनाउन सक्यो ।
कतारका लागि कप्तान तमुर साजादले अविजित ४६ रन जोड्दा इनाम उल हकले २८ र फैसल जाभेदले २४ रन बनाए ।
कुवेतका सिराज खान र जन्दु हामुदले २–२ विकेट लिए ।
यसअघि टस हारेर पहिले ब्याटिङ गरेको कुवेतले २० ओभरमा ७ विकेट गुमाएर १ सय ९७ रन बनाएको थियो ।
कुवेतका लागि आदनन इड्रेसले ५६ रनको अर्धशतकीय इनिङ्स खेले । यस्तै कप्तान मुहमद कासिफले ४३ रन जोड्दा मिट भाबसरले ३५ तथा उस्मान वाहिदले अविजित २८ रन बनाए ।
कतारका इकबाल हुसेन र नुमन सर्वारले २–२ विकेट लिए ।
जितसँगै कुवेतले ३ खेलबाट ३ अंक जोडेको छ । कुवेत दोस्रो स्थानमा छ । त्यस्तै शुक्रबार भएको अर्को खेलमा सिंगापुरले मलेसियालाई हराएको छ । कुवेत र सिंगापुरको जितले नेपाललाई क्वालिफायरमा पुग्न केही सहज हुने देखिएको छ ।
नेपालले अब कुवेत र त्यसपछि सिंगापुरसँग खेल्ने छ। शनिबार हुने खेलमा कुवेतलाई हराए नेपाल दोस्रो स्थानमा उक्लने छ।
पहिलो खेलमा कतारसँग पराजित भएको नेपालले दोस्रो खेलमा मलेसियालाई पराजित गर्न सफल भएको थियो ।
प्रतियोगितामा नेपालसहित आयोजक सिंगापुर, मलेसिया, कतार र कुवेतले प्रतिस्पर्धा गरिरहेका छन् ।
यस प्रतियोगिताको विजेता टोलीले असोजमा यूएईमा हुने ग्लोबल छनौटमा प्रतिस्पर्धा गर्नेछ । १४ टोलीको सहभागिता रहने ग्लोबल छनौटमा शीर्ष ६ भित्र रहने टोली अष्ट्रेलियामा २०२० मा हुने विश्वकपमा छनोट हुनेछन्।
काठमाडौँ, भदौ १९ गते । नेपाल सरकारको निर्णय अनुसार सूचीकरणका लागि तोकिएको समयमा सम्पर्कमा नआएका
काठमाडौँ, साउन २७ — सञ्चार तथा सूचना प्रविधिमन्त्री पृथ्वी सुब्बा गुरुङले यस वर्ष दोस्रो चरणको
मुख्यमन्त्री पाण्डे : ५० करोड बचत हुने अपेक्षा, पूर्वउपाध्यक्ष पौडेल : मन्त्री–सांसदको सुविधा पनि कटौती
काठमाडौँ, साउन २१ ।सूचना तथा सञ्चार प्रविधिमन्त्री पृथ्वीसुब्बा गुरुङले कृत्रिम बौद्धिकता (एआई) को विकासमा नेपाल
साउन २०, २०८२ | तीनकुनेमा गत चैत १५ गते आयोजित राजावादी प्रदर्शनमा संलग्न रहेको आरोपमा पुर्पक्षका
काठमाडौं, साउन १२ – नेकपा (एमाले) ले पूर्वराष्ट्रपति विद्यादेवी भण्डारीसँग सम्बन्धित सबै प्रकारका बहस तथा
