म्याड्रिड (एजेन्सी)– रियल म्याड्रिडले ब्राजिलियन स्टार नेयमारलाई भित्राउनका लागि प्रयास सुरु गर्ने भएको छ । नेयमार गत सिजन मात्र विश्व कीर्तिमानी रकममा अर्को चर्चित स्पेनिस क्लब बार्सिलोनाबाट पेरिस सेन्ट जर्मेन (पिएसजी) पुगेका थिए ।
नेयमार भित्राउने प्रयासका लागि क्लबले आफ्ना सबैभन्दा उत्कृष्ट प्रतिनिधि जुनी कालाफाटलाई पठाउने भएको छ । उनले नेयमारका बाबुसँग कुराकानी गर्ने बताइएको छ । रियलका अन्तर्राष्ट्रिय फुटबल विभागका प्रमुख कालाफाटले आउदो सिजन क्लबमा भित्राउन नेयमार र उनका बाबुलाई मनाउन सक्ने अनुमान गरिएको छ ।
ब्राजिलियन नेयमारको पिएसजीमा सन् २०२२ सम्मको सम्झौता रहेको छ । फ्रान्सेली क्लब पिएसजीका अध्यक्ष नासेर अल खालिफाले नेयमार विक्रीका लागि नरहेको बताएका थिए । रियल नेयमारलाई भित्राउन सफल हुने विश्वास लिएको छ ।
नेयमारका बाबु रियलमा सरुवा गराउनेमा यसअघि नै सकारात्मक रहकोले पनि उनीमाथि सम्झौताका लागि दबाब बन्न सक्ने विश्वास गरिएको छ । पिएसजीमा नेयमारका लागि रिलिज क्लज नभएकाले पनि सरुवा सम्भव हुने कतिपयको विश्वास छ । नेयमार २ सय २२ मिलियन युरामा पिएसजी सरुवा भएका थिए ।
नेयमारले अहिले पनि क्लब छाड्ने कुनै संकेत नगरेका कम्तीमा उनी अर्को सिजन रहने पिएसजीको विश्वास छ । यद्दपी उनलाई भित्राउन रियलले दबाब बनाउने लगभग निश्चित छ । रियल नेयमार सम्भव नभए विकल्पमा चेल्सीका इडेन हाजार्डलाई भित्राउने मनसायमा रहेको बताइएको छ ।
चैत ९,काठमाडौँ। राष्ट्रिय परिचयपत्र बनाउँदा अब नागरिकले छुट्टै आवेदन फाराम (प्रि–इनरोलमेन्ट) भर्नु नपर्ने भएको छ
पीपुल नेपाल संवाददाता विश्व राज नेपाल चैत ८ ,काठमाडौं । आउटसोर्सिङ श्रमिकको अधिकार कार्यान्वयनमा कमजोरी,
भक्तपुर, चैत ७ — सपना प्रधान मल्लले न्यायपालिकाप्रति जनविश्वास कायम राख्न र संस्थागत सुधारलाई गति
चैत ५ ,काठमाडौँ। गृहमन्त्री ओमप्रकाश अर्याललाई राष्ट्रिय सभामा सदस्यका रूपमा मनोनयन गर्न गरिएको सिफारिस संविधानविपरीत
अधिवक्ता: तारा निधि पन्त सरलता, आध्यात्मिकता र सामुदायिक भावनामा आधारित रहेको नेपाली संस्कृति आज
काठमाडौं, चैत ३। आगामी आर्थिक वर्ष २०८३/८४ को बजेट निर्माणमा जुटेको अर्थ मन्त्रालय मुख्य नीतिगत
