नेपाली क्रिकेटर सन्दीप लामिछाने ग्लोबल टि–ट्वान्टी क्यानडा लिग क्रिकेटमा पनि सफल भएका छन् । मोन्ट्रियल टाइगर्समा आबद्ध सन्दीपले क्यानेडियन लिगमा ४ खेलबाट ५ विकेट लिएका छन् ।
सन्दीपले आफूले खेलेका सबै ४ खेलमा विकेट लिँदै ५ विकेट लिएका हुन् । मोन्ट्रियल टाइगर्सको अन्तिम खेलमा सन्दीपले २ विकेट लिन सफल भए । यद्यपि टाइगर्स टोरोन्टो नेशनल्ससँग १ विकेटले पराजित भयो ।
सन्दीपले ४ ओभर बलिङ गर्दै ३४ रन खर्चेर २ विकेट लिए । यसअघि सन्दीपले आफ्नो पहिलो खेलमा विन्डिज बिसँग बाहेक बाँकी दुई खेलमा पनि उत्कृष्ट प्रदर्शन गरेका थिए । सन्दीपले विन्डिज बि विरुद्ध ४ ओभर बलिङ गर्दै ५७ रन खर्चेर १ विकेट लिएका थिए । यो खेलमा मोन्ट्रियल टाइगर्सका सबैभन्दा महँगा बलर सन्दीप सावित भएका थिए ।
सन्दीपले आफ्नो दोस्रो खेलमा भान्कौभर नाइट्सविरुद्ध उत्कृष्ट पुनरागमन गर्दै ४ ओभरमा १९ रन खर्चेर १ विकेट लिए । यो खेलमा सन्दीपले मेडन ओभर बलिङ गरेका थिए । यद्यपि सन्दीपको टिम टाइगर्स नाइट्ससँग १८ रनले पराजित भएको थियो ।
सन्दीपले आफ्नो तेस्रो खेलमा झनै निखारिएको प्रदर्शन गरे । उनले इडमोन्टोन रोयल्सविरुद्ध ४ ओभर बलिङ गर्दै १ ओभर मेडन राख्दै मात्र १६ रन खर्चेर १ विकेट लिए । यो खेलमा भने सन्दीपको टाइगर्स टिमले रोयल्सलाई १५ रनले पराजित गरेको थियो । मोन्ट्रियल टाइगर्सको ग्लोबल टि–ट्वान्टी क्यानडा लिग क्रिकेटमा यो मात्रै एक जित हो । टाइगर्सले ४ खेलमा पराजय भोगेको छ ।
सन्दीप मोन्ट्रियल टाइगर्सको मेडन ओभर फाल्ने खेलाडी पनि हुन् । जारी ग्लोबल टि–ट्वान्टी क्यानडा लिग क्रिकेटमा मोन्ट्रियल टाइगर्सका सन्दीप बाहेक कुनै पनि खेलाडीले मेडन ओभर बलिङ गर्न सकेनन् । सन्दीपले भने २ ओभर मेडन फालेका छन् ।
वैशाख १७, काठमाडौँ। सरकारले तोकेको न्यूनतम पारिश्रमिक नदिने उद्योग र प्रतिष्ठानको सङ्ख्या छ प्रतिशतले बढेको
वैशाख १४,काठमाडौँ । प्रधानमन्त्री पुष्पकमल दाहाल ‘प्रचण्ड’ले देशमै बसेर केही गर्नुपर्छ भन्ने भावना जागृत गर्न
वैशाख १०,ललितपुर । प्रधानमन्त्री तथा नेकपा (माओवादी केन्द्र) का अध्यक्ष पुष्पकमल दाहाल ’प्रचण्ड’ ले चुनौतीहरू भए
वैशाख ७, काठमाडौँ । निर्वाचन आयोगले उपनिर्वाचन हुने दिन निर्वाचन क्षेत्रभित्रको यातायात व्यवस्थालाई नियमित र
वैशाख ५,दमौली (तनहुँ)। नुवाकोटको विदुर नगरपालिका-११ वासुदेव अवस्थीलाई पहिलो पटक ऐनापहरा पुग्दा निकै आकर्षक लाग्यो
वैशाख २, काठमाडौँ । प्रधानमन्त्री पुष्पकमल दाहाल ‘प्रचण्ड’ले विद्यालय जाने उमेरका बालबालिकालाई पायक पर्ने विद्यालयमा भर्ना