विश्वकपमा आज हुने समुह बी का खेलहरु विशेष महत्वका साथ हेरिएको छ । एउटै समयमा सुरु हुने खेलमा पोर्चुगलले इरानसँग खेल्दैछ भने स्पेनले मोरक्कोसँग खेल्दैछ ।
अंक तालिकामा स्पेन र पोर्चुगलको चारचार अंक रहेको छ । त्यस्तै इरानको तीन अंक रहेको छ ।
पहिलो खेलमा स्पेनसँग बराबरी खेल खेलेको पोर्चुगलले इरानविरुद्ध नतिजा निकाल्नै पर्ने बाध्यता रहेको छ ।
मोरक्कोलाई १-० गोलले पराजित गरेको पोर्चुगलले इरानविरुद्ध ठुलै संघर्ष गर्नुपर्ने फुटबल विश्लेषकहरु बताउँछन् ।
पोर्चुगलका लागि हालसम्म रोनाल्डोलेमात्र गोल गरेका छन् । उनले दुई खेलमा चार गोल गरेका छन् ।
स्पेनलाई कडा टक्कर दिएको इरान पोर्चुगललाई हर हालतमा पराजित गर्नुपर्ने बाध्यता रहेको छ । अर्को चरणमा पुग्न इरानले पोर्चुगललाई पराजित गर्न सक्षम रहेको फुटबल पण्डितहरु बताउँछन् ।
पहिलो खेलमा मोरक्कोमाथि जित हात पारेको इरानले दोस्रो खेलमा भने स्पेनसँग एक गोलले मात्र पराजित भएको थियो । धेरै अवसरहरु सिर्जना गरेतापनि गोल गर्न असफल भएको इरानले पोर्चुगललाई भने कडा टक्कर दिने अनुमान गरिएको छ ।
गर वा मरको अवस्थामा रहेका इरानविरुद्ध सानो गल्ती पनि पोर्चुगललाई भारी पर्नेछ ।
त्यस्तै विश्वकपबाट बाहिरि सकेको मोरक्कोले स्पेनलाई रोक्न सक्ने फुटबल विश्लेषकहरु बताउँछन् । मोरक्कोले पोर्चुगलविरुद्ध देखाएको खेल प्रदर्शनले पनि यस कुराको प्रमाणित गरेको उनीहरुको भनाइ छ ।
अर्को चरणमा पुग्न स्पेनले पनि बराबरी खेले पुग्छ । तर, ग्रुप विजेता हुनका लागि पनि महत्वपुर्ण अवसर रहेको छ ।
विश्वकप दाबेदार मानिएको स्पेनका लागि यो सुनौलो अवसर भएको फुटबल विश्लेषकहरु बताउँछन् ।
नेपाली समयअनुसार आज यी दुई खेल ११ः४५ मा सुरु हुनेछ ।
असोज, ३ काठमाडौं। नेपाल ट्रेड युनियन महासंघ (जिफन्ट)ले भोटेकोशी र त्रिशूली नदी क्षेत्रमा आएको विनाशकारी
काठमाडौँ, भदौ ३० गते । महिला तथा बालिकामाथि हुने बलात्कार, यौन हिंसा तथा साइबर अपराध
काठमाडौँ । भदौ २३ र २४ गते भएको आन्दोलन तथा त्यस क्रममा भएका हिंसात्मक घटनालाई
काठमाडौँ, भदौ २२ गते । नेपाल क्यासिनो एसोसिएसनले भोटेकोशी बाढीपीडितका लागि ८५ लाख २३ हजार
-अधिवक्ता तारा निधि पन्त भाद्र २१, काठमाडौं । विवादित ‘ग्रिन आर्मी’ नामक संस्थाको दर्ता खारेज
काठमाडौँ, २१ भदौ । ओपनएआईसँग सम्बन्धित मानिएका स्वायत्त कृत्रिम बुद्धिमत्ता (एआई) एजेन्टले आपसमा सञ्चार र
