फिफा विश्व कप २०१८ को यस्ता छन् रहस्यमयी र रोचक तथ्यहरु !

रसियाद्वारा आयोजना हुने यसपटकको फिफा विश्व कप २०१८ यस अघिका टोर्नामेन्टभन्दा फरक छ । यो पटकको विश्व कप रसियाको अन्तराष्ट्रिय सम्बन्ध, खेल आयोजनाका लागि आन्तरिक व्यवस्थापन लगायतका दृष्टिले इतिहासमै पहिलो पटक निकै विवादित बनेको छ ।

यो पटकको विश्व कपका केही रहस्यमयी र रोचक तथ्यहरु :-

१. रसियालाई विश्व कप २०१८ आयोजना गर्ने अधिकारको औपचारिक घोषणा २ डिसेम्बर २०१० मै भएको थियो । खेल १४ जुन देखि शुरु भएर १५ जुलाईमा समापन हुनेछ ।

२.विश्व कपमा रसियाले सहभागिता जनाएको यो ११ औं पटक हो ।

३ं. २००६ पछि युरोपमा आयोजना भएको यो पहिलो फिफा विश्व कप हो । पहिलो पटक विश्व कप पूर्वी युरोपमा आयोजना भएको थियो ।

४. १९३० मा उरुग्वेमा पहिलो पटक विश्व कप आयोजना भएपछिको यो विश्व कप टोर्नामेन्ट २१ औं पटकको हो ।

५. २०१८ को यो विश्वकपको मूलभाव सपना र ब्रह्माण्ड बाह्य अन्तरिक्ष अन्वेषण हो ।

६. यस पटकको विश्व कपको मास्कोटलाई अनलाइन मतदानबाट चयन गरिएको थियो । उक्त मास्कोट स्याल हो जसको नाम उल्फ जाबिभाका हो । त्यसलाई इकातेरिना बोचारोभा नामका एकजना विद्यार्थीले डिजाइन गरेका हुन्।

७. यस पटकको विश्व कपमा आइसलैण्ड र पानामा दुई नयाँ टोलीहरु देखा पर्दैछन् ।

८. जिम्बाबे यस पटकको फिफा क्वालिफाइङबाट बाहिरिएको थियो । आफ्नो प्रशिक्षकलाई पैसा नतिरेको कारणले उसलाई फिफाले बहिर्गमन गरेको हो ।

९. इन्डोनेशियाको सरकारले खेलमा हस्तक्षेप गरेको कारण यसपटकका क्वालिफायरबाट उसलाई बहिर्गमन गरेको हो ।

१०. यसपटकको उद्घाटन र समापन खेल दुबै मस्कोस्थित लुझनिकि स्टेडियममा हुनेछ ।