महान खेलाडी पेलेले ब्राजिलको टिमको विश्वकपमा उपस्थितिबारे चिन्ता व्यक्त गरेका छन् । पेलेले पछिल्लो समय ब्राजिलको फुटबल टोली नेयमारमा अडिएको भन्दै ब्राजिलको विश्वकप दरिलो उपस्थितिप्रति शंका व्यक्त गरेका हुन् ।
१४ जुनदेखि १५ जुलाईसम्म रसियामा हुने विश्वकपमा ब्राजिलसँग राम्रो टिम नभएको पेलेको भनाइ छ । दुई वर्षअघिदेखि टिटेको नेतृत्वमा ब्राजिलले खराब प्रदर्शन गरेको र पछिल्ला मैत्रीपूर्ण खेलमा ब्राजिलको टिममा निकै धेरै फेरबदल भएको पेलेको भनाइ छ ।
विश्वकपको पूर्वसन्ध्यामा पेलेले भनेका छन्, “मलाई टिटेमाथि पूरा भरोसा छ । तर, मेरो चिन्ता छ– विश्वकप शुरु हुन केही दिनमात्र बाँकी हुँदा ब्राजिलसँग राम्रो टिम छैन । व्यक्तिगत रुपमा भन्दा सबै खेलाडी उत्कृष्ट छन् तर, ब्राजिलसँग उत्कृष्ट टिम छैन ।”
केही दिन अगाडि क्रोसियासँग भएको मैत्रीपूर्ण खेलमा ब्राजिल २—० गोलले पराजित गर्दा नेयमारले पनि गोल गरेका थिए । नेयमारले उत्कृष्ट पुनरागमन गरेको भन्दै पेलेले भने, “नेयमार विश्वका सर्वोत्कृष्ट फुटबलरमध्येका एक हुन् र उनीसँग अनुभव पनि छ । रसियामा हुने विश्वकपमा ब्राजिललाई माथिल्लो तहसम्म पुर्याउन सक्ने पनि नेयमार नै हुन् । तर, विश्वकप एक जनाले जिताउन सक्दैनन्, यो पूरा टिमको खेल हो ।”
विश्वकपको समूह ‘ई’ मा रहेको ब्राजिलसँगै यो समूहमा स्वीट्जरल्याण्ड, कोस्टारिका र सर्बिया रहेका छन् । एजेन्सी
तेहरान, फागुन २८ । इरानले अमेरिका र इजरायलसँग जारी युद्ध अन्त्य गर्न तीन प्रमुख शर्त
तारा निधि पन्त फागुन २६,२०८२ | काठमाडौं हालै सम्पन्न प्रतिनिधिसभा सदस्य निर्वाचनले नेपाली राजनीतिक इतिहासमा
१५ फागुन, काठमाडौँ । जिल्ला प्रशासन कार्यालय काठमाडौँ ले आउँदो सोमबार मनाइने होली पर्वलाई मर्यादित
फागुन २०८२ पुस्तक समीक्षा सञ्चारकर्मी राजेन्द्र कुँवरद्वारा लिखित ‘नेपाली दृष्टिकोणमा खम्पा विद्रोह’ पुस्तकले उक्त ऐतिहासिक
१८ पुस,टोकियो । एसियाली सेयर बजारले सन् २०२६ को सुरुआत सकारात्मक संकेतका साथ गरेका छन्
काठमाडौँ, पुस १३ । निर्वाचन आयोगले आगामी फागुन २१ गते तोकिएको प्रतिनिधिसभा सदस्य निर्वाचनका लागि
