विराटनगर । साढे तेत्तीस किलो सुनको तस्करी प्रकरण र सनम शाक्यको हत्या सम्बन्धमा पक्राउ परेका नेपाल प्रहरीका वहालवाला प्रहरी वरिष्ठ उपरीक्षक (एसएसपी) दिवेस लोहनीले बुधबार माेरङ जिल्ला अदालत परिषरमै दादागिरि देखाएका छन । माेरङ अदालतमा मुद्धा दर्ता पछि फर्कने क्रममा रिपाेर्टिङमा पुगेका पत्रकारहरू माथी लोहनीले दुब्यवहार गर्दै दादागिरि देखाएका हुन । बिराटनगरका पत्रकार ध्रुव भट्टरार्इ र सुमन सुस्केरामाथि अदालत परिषरमै सुन काण्डमा दाेषी भनिएका बहालबाला एसएसपी लाेहनीले लात्ती हिृकाएकाे भिडियाेमा देख्न सकिन्छ ।  प्रहरी अन्य सबै सुनकाण्डका अभियुक्तहरुलाई हत्कडी लगाएपनि प्रहरीका बालकृष्ण सञ्जेल वाहेकलाई कसैलाई पनि हत्कडी नलगाउँदा लोहनी पत्रकार माथि जथाभाबी आक्रमणमा उत्रिएका हुन । उनले क्यामरा खोस्ने प्रयास गर्नुका साथै अपशव्द प्रयोग गरी गाली गलौज गरेका थिए ।